Landsliðshópurinn valinn í dag

Viggó Sigurðsson landsliðsþjálfari hefur gert fjórar breytingar á leikmannahóp sínum sem keppir þrjá æfingaleiki við Norðmenn hérlendis dagana 25.-28 nóvember, en í dag tilkynnti hann 16 manna hóp sinn.

Ernir Hrafn Arnarsson, Markús Máni Michaelsson, Sigfús Sigurðsson og Ólafur Stefánsson detta út úr hópnum fyrir leikina gegn Norðmönnum, en í stað þeirra koma þeir Einar Örn Jónsson, Heimir Örn Árnason, Vilhjálmur Halldórsson og Hlynur Morthens.

Föstudaginn 25. nóvember verður leikið í Vestmannaeyjum klukkan 18:30, á laugardeginum mætast liðin að Varmá klukkan 16:15 og að lokum eigast þau við sunnudaginn 27. í Kaplakrika klukkan 16:15.

Hópurinn er skipaður eftirtöldum leikmönnum:

Markverðir:

Birkir Ívar Guðmundsson, Haukum

Gísli Guðmundsson, ÍR

Hlynur Morthens, Fylki

Hreiðar Levý Guðmundsson, KA

Aðrir leikmenn:

Baldvin Þorsteinsson, Val

Alexander Petersson, Grosswallstadt

Einar Hólmgeirsson, Grosswallstadt

Einar Örn Jónsson, Torrevieja

Guðjón Valur Sigurðsson, Gummersbach

Heimir Örn Árnason, Fylki

Jaliesky Garcia, Göppingen

Róbert Gunnarsson, Gummersbach

Snorri Steinn Guðjónsson, GWD Minden

Vignir Svavarsson, Skjern

Vilhjálmur Halldórsson, Skjern

Þórir Ólafsson, TuS N-Lübbecke