Níu ákærðir

Töluverður erill var hjá lögreglunni í Kópavogi í fyrrinótt og komu meðal annars upp fjögur fíkniefnamál. Níu einstaklingar voru handteknir í tengslum við fíkniefnamálin og var í einu málanna um sölu efna að ræða. Þeir voru allir kærðir í kjölfarið. Þá voru sex teknir fyrir of hraðan akstur, flestir á Reykjanesbrautinni. Einn ökumannanna var langt yfir leyfilegum mörkum og var hann stoppaður á 129 kílómetra hraða, á svæði þar sem 70 kílómetra hraði er hámarkið.