Fleiri bílar væntanlegir

Hyundai Sonata er nú uppseld hjá B&L. Bíllinn var frumsýndur hér á landi 12. mars sl. Hyundai Sonata er væntanlegur aftur um miðjan apríl að sögn Heiðars J. Sveinssonar, forstöðumanns sölusviðs B&L en nokkrir bílar úr þeirri sendingu eru þegar seldir að sögn Heiðars. "Það getur verið erfitt að meta hvaða viðtökur bílar muni hljóta þegar þeir koma nýir inn á markaðinn og það er því afar ánægjulegt að sjá hversu vel Sonata fer af stað," segir Heiðar.