Var ekki að meika það 19. febrúar 2005 00:01 Aðalsteinn náði frábærum árangri með kvennalið ÍBV síðasta vetur. Gerði liðið að Íslandsmeisturum og komst einnig í undanúrslit í Evrópukeppni. Þessi frábæri árangur opnaði dyrnar fyrir hann í Þýskalandi og úr varð að hann tók við liði Weibern sem kemur frá 1500 manna smábæ. Lífið í Þýskalandi hefur ekki verið neinn dans á rósum. Weibern er búið að verma botnsæti deildarinnar í allan vetur og lítið annað en fall blasir við liðinu. Jafnvel þótt liðið haldi sæti sínu þá mun það líklega verða dæmt niður sökum fjárhagsvandræða. "Það er frekar erfitt ástandið hérna. Það hefur enginn fengið laun í tæpa þrjá mánuði og á þriðjudag skýrist hvort félagið verði keyrt í gjaldþrot. Staðan er ekki góð og félagið vantar rúmar fimm milljónir króna til þess að klára tímabilið," sagði Aðalsteinn og bætti við að félagið ætli sér niður þar sem það hefur hreinlega ekki efni á því að spila í úrvalsdeildinni. Aðalsteinn hefur sett félaginu afarkosti. Annað hvort greiði það honum það sem hann á inni fyrir 26. febrúar eða hann fer heim með fyrstu vél. "Mér finnst miður að þurfa að gera þetta því mig langar mikið til þess að klára tímabilið. En á móti kemur að maður lifir ekki á loftinu einu saman. Sem betur fer átti ég varasjóð en hann fer að tæmast," sagði Aðalsteinn sem er með frekar þunnskipaðan hóp þar sem stjórn félagsins hefur rekið þrjá leikmenn frá félaginu. Eftir standa ellefu stelpur og vinna Aðalsteins því mjög erfið. Þrátt fyrir alla erfiðleikana sér hann ekki eftir því að hafa farið út. "Þetta er eitthvað sem mig hafði alltaf langað að prófa og ég lagði allt undir. Eftir að hafa kynnst þessu umhverfi þar sem annað hvert félag er í fjárhagsvandræðum þá hef ég hvorki löngun né vilja til þess að vera hér áfram. Það er ekki gott að lifa í umhverfi þar sem er stanslaus óvissa með laun. Þetta er engu að síður búin að vera fín reynsla sem ég hefði ekki viljað missa af. Ég held ég geti samt sagt það blákalt að ég hafi ekki verið að meika það," sagði Aðalsteinn léttur og hló. Hann stefnir á að hefja nám í lögfræði næsta vetur og samhliða því mun hann þjálfa kvennalið FH. "Ég er búinn að vera í viðræðum við FH síðustu vikur og málið er frágengið af minni hálfu," sagði Aðalsteinn en Sæmundur Stefánsson, formaður handknattleiksdeildar FH, vildi ekki staðfesta að hann væri búinn að ráða Aðalstein en bjóst við að tilkynna ráðningu hans eftir helgi. Íslenski handboltinn Mest lesið „Við erum fastir í einhverri dýflissu“ Fótbolti Þvert nei við umsókn Grænlands Fótbolti Segir ástandið í Los Angeles „ekki eðlilegt“ Fótbolti „Þetta er ólýsanleg tilfinning“ Fótbolti Mæta örmagna til leiks á HM félagsliða eftir langt og strembið tímabil Fótbolti „Ég er glaður að Eiður Smári sé ekki hérna“ Fótbolti Dagskráin í dag: A-landslið karla í fótbolta mætir Norður-Írum Sport Karlmaður lést eftir fall á úrslitaleik Þjóðadeildarinnar Fótbolti Allt klárt og Frank verður næsti stjóri Tottenham Enski boltinn Arnar rifjaði upp góða tíma með norður-írskum félögum Fótbolti Fleiri fréttir Andrea flýgur upp listann en aftur var einu höggi ofaukið Allt klárt og Frank verður næsti stjóri Tottenham „Við erum fastir í einhverri dýflissu“ Þvert nei við umsókn Grænlands Segir ástandið í Los Angeles „ekki eðlilegt“ Dagskráin í dag: A-landslið karla í fótbolta mætir Norður-Írum Mæta örmagna til leiks á HM félagsliða eftir langt og strembið tímabil Knicks horfir til Dallas í leit að næsta þjálfara „Þetta er ólýsanleg tilfinning“ ÍR og Njarðvík áfram taplaus Næstum því ótrúleg endurkoma Wales í Belgíu „Þróttarar gefa ekkert eftir, er þeim ekki alvara í þessu stríði?“ Aït-Nouri fyrstur inn um dyrnar hjá Man City Arnar rifjaði upp góða tíma með norður-írskum félögum Karlmaður lést eftir fall á úrslitaleik Þjóðadeildarinnar Segja Man United hafa sett í samband við Sporting vegna framherjans eftirsótta Endurkomusigur hjá Grindavík þrátt fyrir rautt spjald Chivu tekur við Inter ÍBV sótti sigur og sæti í undanúrslitum City að festa kaup á hinum eftirsótta Cherki Fjórtán ára með yfirburðaforskot eftir fyrstu fjögur stigamótin „Ég er glaður að Eiður Smári sé ekki hérna“ Thomas Frank að taka við Tottenham Fer frá City eftir aðeins tvo leiki en tólf titla á sex árum „Hvers vegna ætti ég að sykurhúða hlutina?“ Sautján ára Íslendingur vann brons í fullorðinsflokki Sviptur fyrirliðabandinu og mun aldrei spila fyrir þjálfara Póllands „Ég myndi spila fótbrotinn fyrir landsliðið“ „Ég er aldrei sáttur“ Shai setti stigamet þegar OKC jafnaði úrslitaeinvígið Sjá meira
Aðalsteinn náði frábærum árangri með kvennalið ÍBV síðasta vetur. Gerði liðið að Íslandsmeisturum og komst einnig í undanúrslit í Evrópukeppni. Þessi frábæri árangur opnaði dyrnar fyrir hann í Þýskalandi og úr varð að hann tók við liði Weibern sem kemur frá 1500 manna smábæ. Lífið í Þýskalandi hefur ekki verið neinn dans á rósum. Weibern er búið að verma botnsæti deildarinnar í allan vetur og lítið annað en fall blasir við liðinu. Jafnvel þótt liðið haldi sæti sínu þá mun það líklega verða dæmt niður sökum fjárhagsvandræða. "Það er frekar erfitt ástandið hérna. Það hefur enginn fengið laun í tæpa þrjá mánuði og á þriðjudag skýrist hvort félagið verði keyrt í gjaldþrot. Staðan er ekki góð og félagið vantar rúmar fimm milljónir króna til þess að klára tímabilið," sagði Aðalsteinn og bætti við að félagið ætli sér niður þar sem það hefur hreinlega ekki efni á því að spila í úrvalsdeildinni. Aðalsteinn hefur sett félaginu afarkosti. Annað hvort greiði það honum það sem hann á inni fyrir 26. febrúar eða hann fer heim með fyrstu vél. "Mér finnst miður að þurfa að gera þetta því mig langar mikið til þess að klára tímabilið. En á móti kemur að maður lifir ekki á loftinu einu saman. Sem betur fer átti ég varasjóð en hann fer að tæmast," sagði Aðalsteinn sem er með frekar þunnskipaðan hóp þar sem stjórn félagsins hefur rekið þrjá leikmenn frá félaginu. Eftir standa ellefu stelpur og vinna Aðalsteins því mjög erfið. Þrátt fyrir alla erfiðleikana sér hann ekki eftir því að hafa farið út. "Þetta er eitthvað sem mig hafði alltaf langað að prófa og ég lagði allt undir. Eftir að hafa kynnst þessu umhverfi þar sem annað hvert félag er í fjárhagsvandræðum þá hef ég hvorki löngun né vilja til þess að vera hér áfram. Það er ekki gott að lifa í umhverfi þar sem er stanslaus óvissa með laun. Þetta er engu að síður búin að vera fín reynsla sem ég hefði ekki viljað missa af. Ég held ég geti samt sagt það blákalt að ég hafi ekki verið að meika það," sagði Aðalsteinn léttur og hló. Hann stefnir á að hefja nám í lögfræði næsta vetur og samhliða því mun hann þjálfa kvennalið FH. "Ég er búinn að vera í viðræðum við FH síðustu vikur og málið er frágengið af minni hálfu," sagði Aðalsteinn en Sæmundur Stefánsson, formaður handknattleiksdeildar FH, vildi ekki staðfesta að hann væri búinn að ráða Aðalstein en bjóst við að tilkynna ráðningu hans eftir helgi.
Íslenski handboltinn Mest lesið „Við erum fastir í einhverri dýflissu“ Fótbolti Þvert nei við umsókn Grænlands Fótbolti Segir ástandið í Los Angeles „ekki eðlilegt“ Fótbolti „Þetta er ólýsanleg tilfinning“ Fótbolti Mæta örmagna til leiks á HM félagsliða eftir langt og strembið tímabil Fótbolti „Ég er glaður að Eiður Smári sé ekki hérna“ Fótbolti Dagskráin í dag: A-landslið karla í fótbolta mætir Norður-Írum Sport Karlmaður lést eftir fall á úrslitaleik Þjóðadeildarinnar Fótbolti Allt klárt og Frank verður næsti stjóri Tottenham Enski boltinn Arnar rifjaði upp góða tíma með norður-írskum félögum Fótbolti Fleiri fréttir Andrea flýgur upp listann en aftur var einu höggi ofaukið Allt klárt og Frank verður næsti stjóri Tottenham „Við erum fastir í einhverri dýflissu“ Þvert nei við umsókn Grænlands Segir ástandið í Los Angeles „ekki eðlilegt“ Dagskráin í dag: A-landslið karla í fótbolta mætir Norður-Írum Mæta örmagna til leiks á HM félagsliða eftir langt og strembið tímabil Knicks horfir til Dallas í leit að næsta þjálfara „Þetta er ólýsanleg tilfinning“ ÍR og Njarðvík áfram taplaus Næstum því ótrúleg endurkoma Wales í Belgíu „Þróttarar gefa ekkert eftir, er þeim ekki alvara í þessu stríði?“ Aït-Nouri fyrstur inn um dyrnar hjá Man City Arnar rifjaði upp góða tíma með norður-írskum félögum Karlmaður lést eftir fall á úrslitaleik Þjóðadeildarinnar Segja Man United hafa sett í samband við Sporting vegna framherjans eftirsótta Endurkomusigur hjá Grindavík þrátt fyrir rautt spjald Chivu tekur við Inter ÍBV sótti sigur og sæti í undanúrslitum City að festa kaup á hinum eftirsótta Cherki Fjórtán ára með yfirburðaforskot eftir fyrstu fjögur stigamótin „Ég er glaður að Eiður Smári sé ekki hérna“ Thomas Frank að taka við Tottenham Fer frá City eftir aðeins tvo leiki en tólf titla á sex árum „Hvers vegna ætti ég að sykurhúða hlutina?“ Sautján ára Íslendingur vann brons í fullorðinsflokki Sviptur fyrirliðabandinu og mun aldrei spila fyrir þjálfara Póllands „Ég myndi spila fótbrotinn fyrir landsliðið“ „Ég er aldrei sáttur“ Shai setti stigamet þegar OKC jafnaði úrslitaeinvígið Sjá meira