Okkar klaufaskapur

"Eins og það var sætt í gær þá er það súrt í dag," sagði Einar Hólmgeirsson og glotti. "Við fórum með allt of mikið af vítum. Það er bara allt of dýrt gegn jafn sterku liði og Slóvenum í svona keppni. Þeir eru með reynt lið og náðu að stela þessu á endanum. Þetta er bara okkar klaufaskapur og við getum klárlega kennt okkur sjálfum um tapið." Einar var ekki af baki dottinn þrátt fyrir tapið. "Það er nóg eftir af þessari keppni og allt galopið. Rússar og Alsíringar eru sterkir og þetta verður barátta allt til enda."