Svakalega sárt

Skyttan unga Arnór Atlason var ekki kát á svipinn eftir leikinn enda svekkelsið mikið. "Þetta er svakalega sárt og ömurlegt eftir að hafa spilað ágætlega allan leikinn. Við getum engum öðrum kennt um en sjálfum okkur enda klúðruðum við fjölda víta og dauðafærum. Svo fannst mér varnarleikurinn líka oft slakur," sagði Arnór, sem átti fínan leik og nýtti vítaköstin betur en félagar hans. "Úrslitin í dag gera það að verkum að riðilinn er kominn í háaloft. Við verðum bara að klára okkar leiki núna og vona að það dugi," sagði Arnór.