Sættum okkur við stigið

Birkir Ívar Guðmundsson kom í íslenska markið um miðjan síðari hálfleik og frábær frammistaða hans átti stóran þátt í því að íslenska liðið jafnaði leikinn. "Síðasta korterið smullu hlutirnir og það var fyrst þá sem við sýndum raunverulega hvað við getum. Við hefðum í raun getað náð öllum stigunum en við sættum okkur við þetta eina," sagði Birkir Ívar sem er á þvi að menn hafi verið stressaðir framan af leiknum. "Það hlýtur bara að vera enda erum við með reynslulítið lið. Ég fann samt ekkert fyrir því inn í klefa. Menn verða tilbúnari í næsta leik. Það er alveg klárt."