Bíll á varnargarði

Hálfþrítugur maður slasaðist alvarlega þegar hann missti stjórn á bifreið sinni og hafnaði á sjóvarnargarði við Faxagötu í Reykjavík skömmu fyrir klukkan átta í gærmorgun. Að sögn lögreglunnar í Reykjavík var maðurinn meðvitundarlaus þegar að var komið, en talið var hann hefði slasast á mjöðm, auk þess sem hann bar mikla áverka í andliti. Maðurinn var ekki í öryggisbelti. Að sögn lögreglu vildi slysið þannig til að tveimur bílum var ekið samsíða austur Kalkofnsveg, frá miðbæ í átt að Seðlabanka. Neðst í götunni þar sem kemur beygja missti maðurinn, sem var á vinstri akrein, stjórn á bíl sínum fór yfir Faxagötu og endaði á varnargarðinum.