Leikið í Þýskalandi í gær

Lokaumferðin í þýsku úrvalsdeildinni í handknattleik fyrir heimsmeistaramótið var háð í gær. Logi Geirsson skoraði þrjú mörk fyrir Lemgo þegar liðið tapaði fyrir Kiel, 34-31. Alexander Peterson skoraði sjö mörk þegar Düsseldorf tapaði fyrir Gummersbach, 34-31. Markús Máni Michaelsson skoraði eitt mark fyrir Düsseldorf. Magdeburg skellti Wilhelmshavener, 26-21. Arnór Atlason skoraði 3 mörk fyrir Magdeburg. Einar Hólmgeirsson og Snorri Steinn Guðjónsson skoruðu fimm mörk hvor fyrir Grosswallstadt en liðið tapaði fyrir Wallau-Massenheim. Einar Örn Jónsson skoraði eitt mark fyrir Wallau. Guðjón Valur Sigurðsson skoraði fimm mörk fyrir Essen en liðið gerði jafntefli við Göppingen, 28-28. Kiel er efst í deildinni með 32 stig, Flensburg stigi á eftir í öðru sæti og Magdeburg í þriðja sæti.