Beckham á bekkinn

David Beckham var settur á bekkinn hjá Real Madrid þegar liðið mætti Racing Santander á laugardaginn. Real Madrid vann leikinn, 3-2, og sagði Mariano Garcia Ramon, þjálfari Real Madrid, að bæði Beckham og Roberto Carlos hefðu verið settir á bekkinn þar sem þeir hefðu ekki staðið sig nógu vel á æfingum í vikunni. "Ég vel þá leikmenn í liðið sem standa sig best á æfingum í vikunni. Beckham og Carlos stóðu sig ekki vel og ég ákvað að láta þá ekki spila," sagði Ramon.