Einar með níu mörk

Einar Hólmgeirsson skoraði níu mörk fyrir Grosswallstadt sem lagði Hamborg 31-28 í þýsku úrvalsdeildinni í handbolta í gær. Logi Geirsson skoraði þrjú mörk fyrir Lemgo sem lagði Essen 28-23. Guðjón Valur Sigurðsson skoraði fjögur fyrir Essen. Einar Örn Jónsson skoraði tvö mörk fyrir Wallau-Massenheim sem steinlá fyrir toppliði Flensburg 38-29. Sigfús Sigurðsson er óðum að braggast og skoraði þrjú mörk fyrir Magdeburg sem sigraði Göppingen 28-27 á útivelli. Jaliesky Garcia skoraði eitt mark fyrir Göppingen.