Farþegum um Leifsstöð fjölgar

Farþegum um Flugstöð Leifs Eiríkssonar fjölgaði um rúm tuttugu prósent í nóvember miðað við sama tíma í fyrra, úr rúmlega 89 þúsund farþegum árið 2003 í rúma 107 þúsund farþega nú. Farþegum til og frá Íslandi hefur fjölgað um rúm tuttugu prósent á milli ára en farþegum sem milli lenda hér á leið sinni yfir Norður Atlantshafið fjölgar um tæp 25 prósent. Það sem af er árinu hefur farþegum um flugstöðina fjölgað úr 1291 þúsund farþegum í tæplega 1550 þúsund farþega.