Bíll ársins í Danmörku

Félag danskra bílablaðamanna hefur valið Mitsubishi Colt bíl ársins í Danmörku árið 2005. Coltinn fékk 182 stig af þeim 625 sem í pottinum voru. Í öðru sæti var Skoda Octavia með 142 stig, í þriðja sæti Renault Modus með 113 stig, Peugeot 407 var í fjórða sæti með 108 stig og Kia Picanto var í fimmta sæti 80 stig. Þetta er í 25. sinn sem danskir bílablaðamenn velja bíl ársins en Mazda 3 fékk titilinn árið 2004. 15. október verður tilkynnt hvaða bíll er bíll ársins að mati íslenskra bílablaðamanna.