Daníel Erik Hjatlason í Fellaskóla

"Ég var í sveit í sumar þannig að ég þurfti alltaf að vakna eldsnemma í fjósið. Ég á því ekkert í erfiðleikum með að vakna í skólann," segir Daníel Erik. Hann segist hafa verið svolítið spenntur að byrja í skólanum en líka svolítið kvíðinn. "Ég hef alltaf verið í Fellaskóla nema ég var smá í Breiðholtsskóla inná milli. Ég þekki ekki alveg alla í Fellaskóla en frekar marga." Daníel Erik hafði ekki miklar áhyggjur af innkaupum fyrir skólann. Sagðist örugglega kaupa það sem hann vantaði en nota það sem hann ætti. Einfalt og gott. Daníel er ekki í vafa um hvað honum finnst skemmtilegast í skólanum. "Mér finnst frímínúturnar skemmtilegastar. Ég geri margt í þeim; stundum er ég í leikjum og oft tala ég við krakkana. Ég er ekkert mjög duglegur að læra heima en ég ætla að verða duglegri núna."