Nyr Audi 6

Hekla hefur hafið sölu á nýjum Audi A6 lúxusbifreiðum. Útlit bílsins byggir á hinu sígilda sportlega útliti Audi bílanna. Hann er afar rennilegur og útlínur hliða sveigjast inn á við að ofanverðu og færa bílnum öllum mjög öflugt útlit þannig að hann ber með sér kraft og snerpu. Miðhluti vélarhlífarinnar hefur verið lyft til að undirstrika vélarkraftinn og öfluga gerð hins nýja Audi A6. Heilsteypt vatnskassagrindin með nýja Audilaginu sýnir einnig að A6 er fulltrúi nýjustu kynslóðar Audibíla. Akstursljósin eru einnig gott dæmi um háþróaða tækni og A6 er fyrstur Audibíla sem hægt er að panta með sveigjanlegum akstursljósum sem leiða ökumanninn gegnum beygjur. Hægt er að velja um fimm vélar, þrjár bensínvélar og tvær dísilvélar af TDI- gerð. Bílarnir eru ýmist með framhjóladrifi eða quattro-sídrifi á öllum hjólum. Farþegar eru sérstaklega vel varðir við árekstur í þessum bíl. Skrokkurinn er mjög öflugur, búinn sérstökum krumpusvæðum og mjög stöðugum ramma. Loftpúðar eru bæði að framan og aftan auk þess sem að loftpúðar til varnar höfði eru í hliðum bílsins. Þeir tryggja öryggi bæði ökumanna og farþega og veita þeim úrvalsvörn. Audi A6 kostar frá 4.750.000 krónum.