Flytja starfsemi annað

Fleiri fyrirtæki flytja nú starfsemi sína til landa í Austur-Evrópu og Asíu. Í þeim löndum komast þau upp með að ráða starfskraft á miklu lægri launum en í Svíþjóð. Lönd sem um er að ræða eru helst Indland, Kína, Tékkland og Pólland. Svíar sjá nú fram á að missa um fimmtán þúsund störf til umræddra landa á næstu fimm árum. Tékkland býður upp á starfskraft á lágum launum og mjög góðar verksmiðjur sem og Indland og Kína. Því verður eflaust hart barist á milli Asíu og Austur-Evrópu á næstu árum um að fá til sín störf frá Evrópu.