Tíu frábærir bílaleikir 6. ágúst 2004 00:01 Langar bílferðir geta verið ansi þreytandi á tímum. Um þessar mundir fara ansi margir í ferðalög og þá er um að gera að hafa nóg af leikjum við höndina til að skemmta öllum í bílnum, smáum sem stórum. 1. Númeraplötuleikurinn. Allir giska á fyrsta bókstafinn á númeraplötu á næsta bíl sem keyrir fram hjá. Sá sem giskar á rétt vinnur. Gott er að spila upp í tíu og sigurvegarinn fær smá glaðning á næstu bensínstöð. 2. Frúin í Hamborg. Klassískur leikur sem allir kunna. Ekki má segja já, nei, svart og hvítt. Þetta er erfiðara en það lítur út fyrir að vera og getur skapað skemmtilega stemningu í bílnum. 3. Telja bílategundir. Hver og einn velur sér bílategund og telur alla bíla af þeirri tegund sem keyra fram hjá. Hægt er að gera þetta í tíu mínútur og sá sem er með flestar tegundir eftir þann tíma vinnur. 4. Hver er ég? Allir velja sér persónu og svo eiga hinir að reyna að komast að hver persónan er með einföldum spurningum sem einungis má svara með jái og neii. Sigurvegarinn hverju sinni fær síðan að vera næstur að velja sér persónu. 5. Giska á bílategund. Allir giska á næstu bílategund sem keyrir fram hjá. Ekki þarf að velja undirtegund heldur bara yfirtegund eins og til dæmis Toyota, Volkswagen eða Suzuki. Sá sem vinnur fær kannski óvæntan glaðning sem býr í veskinu hjá mömmu. 6. Lagið í útvarpinu. Allir giska á hvaða tónlistarmaður flytur lagið sem kemur í útvarpinu. Sá fyrsti sem getur það áður en lagið er búið vinnur. Hann fær þá að syngja næsta lag í verðlaun. 7. Hvað er langt í næstu bensínstöð? Hvað ætli sé langt í næstu bensínstöð? Mamma segir fimm mínútur en pabbi segir hálftími. Gaman er að giska og sá sem er næst svarinu fær að kaupa sér eitthvert skemmtilegt blað eða bók á bensínstöðinni. 8. Flokkaleikurinn. Einn í bílnum finnur upp á einhverjum flokki eins og eftirréttur. Þá þurfa allir að segja einhvern eftirrétt. Síðan verður leikurinn alltaf erfiðari og erfiðari þangað til einn dettur út, svo tveir og loksins allir nema einn sem fær það í verðlaun að finna upp á nýjum leik. 9. Herma eftir dýrahljóðum. Alltaf þegar þið sjáið dýr þá reynið þið að herma eftir dýrahljóðum. Það er svo sem enginn eiginlegur sigurvegari í þessum leik þar sem erfitt er að meta hve hljóðin eru flott en þetta peppar allavega upp stemninguna á löngu ferðalagi. 10. Nafnaleikurinn. Einn í bílnum hugsar sér nafn og hinir spyrja hvort þetta sé strákanafn eða stelpunafn. Sá sem veit nafnið segir hinum síðan fyrsta stafinn og þeir reyna að giska með því að nefna öll nöfn sem þeir vita um sem byrja á þessum tiltekna staf. Bílar Mest lesið Umfjöllunin um kynjaveisluna fór fyrir brjóstið á Birgittu Lífið „Mig langaði að eiga vini og verða vinsæll“ Lífið Mætti á nærfötunum einum klæða Tíska og hönnun „Háð því að gera hluti sem eru óþægilegir“ Lífið Listamenn skora á Samherja að falla frá málsókn gegn ODEE Lífið Björk byrjar kvöldið og Blawan tekur svo við Lífið Býður Taylor barn Lífið Taylor Swift jafnaði met Beyoncé á VMA Tónlist Símtal á lágpunkti úti í London breytti öllu Lífið Halla á Hellisheiði með viðskiptakonum Lífið Fleiri fréttir Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Langar bílferðir geta verið ansi þreytandi á tímum. Um þessar mundir fara ansi margir í ferðalög og þá er um að gera að hafa nóg af leikjum við höndina til að skemmta öllum í bílnum, smáum sem stórum. 1. Númeraplötuleikurinn. Allir giska á fyrsta bókstafinn á númeraplötu á næsta bíl sem keyrir fram hjá. Sá sem giskar á rétt vinnur. Gott er að spila upp í tíu og sigurvegarinn fær smá glaðning á næstu bensínstöð. 2. Frúin í Hamborg. Klassískur leikur sem allir kunna. Ekki má segja já, nei, svart og hvítt. Þetta er erfiðara en það lítur út fyrir að vera og getur skapað skemmtilega stemningu í bílnum. 3. Telja bílategundir. Hver og einn velur sér bílategund og telur alla bíla af þeirri tegund sem keyra fram hjá. Hægt er að gera þetta í tíu mínútur og sá sem er með flestar tegundir eftir þann tíma vinnur. 4. Hver er ég? Allir velja sér persónu og svo eiga hinir að reyna að komast að hver persónan er með einföldum spurningum sem einungis má svara með jái og neii. Sigurvegarinn hverju sinni fær síðan að vera næstur að velja sér persónu. 5. Giska á bílategund. Allir giska á næstu bílategund sem keyrir fram hjá. Ekki þarf að velja undirtegund heldur bara yfirtegund eins og til dæmis Toyota, Volkswagen eða Suzuki. Sá sem vinnur fær kannski óvæntan glaðning sem býr í veskinu hjá mömmu. 6. Lagið í útvarpinu. Allir giska á hvaða tónlistarmaður flytur lagið sem kemur í útvarpinu. Sá fyrsti sem getur það áður en lagið er búið vinnur. Hann fær þá að syngja næsta lag í verðlaun. 7. Hvað er langt í næstu bensínstöð? Hvað ætli sé langt í næstu bensínstöð? Mamma segir fimm mínútur en pabbi segir hálftími. Gaman er að giska og sá sem er næst svarinu fær að kaupa sér eitthvert skemmtilegt blað eða bók á bensínstöðinni. 8. Flokkaleikurinn. Einn í bílnum finnur upp á einhverjum flokki eins og eftirréttur. Þá þurfa allir að segja einhvern eftirrétt. Síðan verður leikurinn alltaf erfiðari og erfiðari þangað til einn dettur út, svo tveir og loksins allir nema einn sem fær það í verðlaun að finna upp á nýjum leik. 9. Herma eftir dýrahljóðum. Alltaf þegar þið sjáið dýr þá reynið þið að herma eftir dýrahljóðum. Það er svo sem enginn eiginlegur sigurvegari í þessum leik þar sem erfitt er að meta hve hljóðin eru flott en þetta peppar allavega upp stemninguna á löngu ferðalagi. 10. Nafnaleikurinn. Einn í bílnum hugsar sér nafn og hinir spyrja hvort þetta sé strákanafn eða stelpunafn. Sá sem veit nafnið segir hinum síðan fyrsta stafinn og þeir reyna að giska með því að nefna öll nöfn sem þeir vita um sem byrja á þessum tiltekna staf.
Bílar Mest lesið Umfjöllunin um kynjaveisluna fór fyrir brjóstið á Birgittu Lífið „Mig langaði að eiga vini og verða vinsæll“ Lífið Mætti á nærfötunum einum klæða Tíska og hönnun „Háð því að gera hluti sem eru óþægilegir“ Lífið Listamenn skora á Samherja að falla frá málsókn gegn ODEE Lífið Björk byrjar kvöldið og Blawan tekur svo við Lífið Býður Taylor barn Lífið Taylor Swift jafnaði met Beyoncé á VMA Tónlist Símtal á lágpunkti úti í London breytti öllu Lífið Halla á Hellisheiði með viðskiptakonum Lífið Fleiri fréttir Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira