Erna og Símon húsbílaeigendur 6. ágúst 2004 00:01 Erna M. Kristjánsdóttir, formaður Félags húsbílaeigenda og eiginmaður hennar Símon Ágúst Sigurðsson eru búin að eiga húsbíla í fjórtán ár og hafa ferðast mikið um á þeim bæði innanlands og erlendis. Bíllinn sem þau eiga í dag er Benz af árgerðinni ´99. "Þetta er þriðji bíllinn, sem áður var ísbíll, sem Símon breytti og smíðaði. Sem formaður Félags húsbílaeigenda fer ég í allar nýju ferðirnar sem eru skipulagðar yfir sumarið. Þetta er afskaplega skemmtilegur félagsskapur og ánægjulegt hvað aldurshópurinn er breiður. Elsti meðlimurinn er 87 ára en sá yngsti 20 mánaða. Þá koma einnig mikið af unglingum með foreldum sínum og ömmum og öfum með í ferðirnar sem er sérstaklega ánægjulegt," segir hún. Að sögn Ernu fer félagið í níu skipulagðar ferðir yfir sumarið. Eru fjórar þegar farnar og fimm eftir. "Um hvítasunnuhelgina fórum við í skemmtilega ferð í Goðaland í Fljótshlíð og þar voru hvorki meira né minna en fimm hundruð manns. Þá er ekki langt síðan félagið fór á Strandirnar í átta daga en í henni höfðum við leiðsögumenn um svæðið. Þátttakan var góð eða alls um sjötíu bílar og vorum við þar í alveg yndislegu veðri. Báðar þessar ferðir tókust vel í alla staði eins og allar þær ferðir sem við höfum farið í sumar," segir hún. Erna segir töluverða aukningu hafa átt sér stað í félaginu undanfarin tvö ár. "Í fyrra komu 138 nýir meðlimir inn í félagið og eru þeir orðnir alls um 1400. Það eru svo margir sem halda að þetta sé eingöngu fyrir eldra fólk en svo er alls ekki og er unga fólkið í auknum mæli farið að ganga í félagið," segir hún. Erna segir þau hjónin ferðast mikið saman á húsbílnum fyrir utan ferðirnar með félaginu. "Ef við förum ekki með félaginu þá kemur það oft fyrir að einhver hluti stjórnarinnar tekur sig saman og fer eitthvert. Nú svo ferðumst við heilmikið með ættingjunum og fara börnin okkar og barnabörnin æði oft með okkur. Við njótum þess heilmikið að ferðast saman á bílnum og finnst frábært að geta ferðast um allt frjáls eins og fuglinn," segir hún. halldora@frettabladid.is Bílar Mest lesið Myndaveisla: Sexí upplifun í miðbænum Lífið Ítrekað með tárin í augunum á leið í vinnuna Lífið Var búinn að gefast upp Lífið Helgi Björns ber sig ekki eins vel milli ára Lífið Ein glæsilegasta leikkona landsins á lausu Lífið Patrekur Jaime mættur aftur á markaðinn Lífið „Þetta er enginn helvítis félagskvíði, það bara þolir mig enginn“ Áskorun Vala Kristín hætti sér á tvöfalt stefnumót í flugi Lífið Hollywood-leikstjóri nýtur lífsins á Íslandi Lífið Guggur og gúmmíbátur hjá Guggu í gúmmíbát Lífið Fleiri fréttir „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira
Erna M. Kristjánsdóttir, formaður Félags húsbílaeigenda og eiginmaður hennar Símon Ágúst Sigurðsson eru búin að eiga húsbíla í fjórtán ár og hafa ferðast mikið um á þeim bæði innanlands og erlendis. Bíllinn sem þau eiga í dag er Benz af árgerðinni ´99. "Þetta er þriðji bíllinn, sem áður var ísbíll, sem Símon breytti og smíðaði. Sem formaður Félags húsbílaeigenda fer ég í allar nýju ferðirnar sem eru skipulagðar yfir sumarið. Þetta er afskaplega skemmtilegur félagsskapur og ánægjulegt hvað aldurshópurinn er breiður. Elsti meðlimurinn er 87 ára en sá yngsti 20 mánaða. Þá koma einnig mikið af unglingum með foreldum sínum og ömmum og öfum með í ferðirnar sem er sérstaklega ánægjulegt," segir hún. Að sögn Ernu fer félagið í níu skipulagðar ferðir yfir sumarið. Eru fjórar þegar farnar og fimm eftir. "Um hvítasunnuhelgina fórum við í skemmtilega ferð í Goðaland í Fljótshlíð og þar voru hvorki meira né minna en fimm hundruð manns. Þá er ekki langt síðan félagið fór á Strandirnar í átta daga en í henni höfðum við leiðsögumenn um svæðið. Þátttakan var góð eða alls um sjötíu bílar og vorum við þar í alveg yndislegu veðri. Báðar þessar ferðir tókust vel í alla staði eins og allar þær ferðir sem við höfum farið í sumar," segir hún. Erna segir töluverða aukningu hafa átt sér stað í félaginu undanfarin tvö ár. "Í fyrra komu 138 nýir meðlimir inn í félagið og eru þeir orðnir alls um 1400. Það eru svo margir sem halda að þetta sé eingöngu fyrir eldra fólk en svo er alls ekki og er unga fólkið í auknum mæli farið að ganga í félagið," segir hún. Erna segir þau hjónin ferðast mikið saman á húsbílnum fyrir utan ferðirnar með félaginu. "Ef við förum ekki með félaginu þá kemur það oft fyrir að einhver hluti stjórnarinnar tekur sig saman og fer eitthvert. Nú svo ferðumst við heilmikið með ættingjunum og fara börnin okkar og barnabörnin æði oft með okkur. Við njótum þess heilmikið að ferðast saman á bílnum og finnst frábært að geta ferðast um allt frjáls eins og fuglinn," segir hún. halldora@frettabladid.is
Bílar Mest lesið Myndaveisla: Sexí upplifun í miðbænum Lífið Ítrekað með tárin í augunum á leið í vinnuna Lífið Var búinn að gefast upp Lífið Helgi Björns ber sig ekki eins vel milli ára Lífið Ein glæsilegasta leikkona landsins á lausu Lífið Patrekur Jaime mættur aftur á markaðinn Lífið „Þetta er enginn helvítis félagskvíði, það bara þolir mig enginn“ Áskorun Vala Kristín hætti sér á tvöfalt stefnumót í flugi Lífið Hollywood-leikstjóri nýtur lífsins á Íslandi Lífið Guggur og gúmmíbátur hjá Guggu í gúmmíbát Lífið Fleiri fréttir „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira