Gömul kaldastríðsblaðamennska

Ólafur Ragnar Grímsson segir Morgunblaðið hafa rekið markvissan og hatramman áróður gegn sér og segir blaðið komið í gamla kaldastríðsblaðamennsku. Hinn mikla fjölda auðra atkvæða skýrði Ólafur Ragnar með því að fólk hefði verið hvatt af ýmsum til að skila auðu. Væri þar Morgunblaðið í fararbroddi. Hann kallaði þetta aðför og herferð og nefndi forsíðufyrirsögn blaðsins í gær sem dæmi. Stöð 2 leitaði eftir viðtali við Styrmi Gunnarsson ritstjóra í dag vegna þessara ummæla en hann svaraði að viðbrögð Morgunblaðsins myndu birtast í blaðinu á morgun.