Fleiri fréttir | Viðskipti erlent

Forstjóri Sampo hraunar yfir íslenska stjórnmálamenn

Björn Wahlroos hinn litríki forstjóri finnska tryggingarisans Sampo hraunaði yfir íslenska stjórnmálamenn og bankamenn í ræðu sem hann hélt í Stokkhólmi í gærdag.

Viðskipti erlent 15.10.2010 11:00

Námumennirnir í Síle úr myrkrinu yfir í milljónir

Það verður ekkert vandamál fyrir námuverkamennina 33 sem bjargað var í Síle í vikunni að eiga fyrir salti í grautinn utan námunnar. Tilboðum rignir yfir þá frá fyrirtækjum, bókaforlögum og fjölmiðlum.

Viðskipti erlent 15.10.2010 10:27

Abba-stjarna í stríði við kínverskt heilsuhæli

Abba-stjarnan Anni-Frid Reuss á nú í stríði við kínverskt qigong heilsuhæli á Skáni. Anni-Frid telur að heilsuhælið skuldi sér rúmlega 900 milljónir kr. sem hún hafi lánað heilsuhælinu. Forstjóri hælisins segir hinsvegar að um fjárfestingu sé að ræða en ekki lán.

Viðskipti erlent 15.10.2010 09:55

Vopna- og olíusölumilljarðar streyma gegnum Danmörku

Flóknar skattareglur gera það að verkum að það er ódýrara fyrir félag á Nýja Sjálandi að eiga fyrirtæki í Kanada ef fjárstreymið liggur í gegnum eignarhaldsfélag í Danmörku. Milljarðar danskra kr. m.a. frá vopna- og olíusölu streyma gegnum Danmörku þegar alþjóðleg stórfyrirtæki fjárfesta um allan heim.

Viðskipti erlent 14.10.2010 10:53

EQT missti af lestinni í Pandóru veislunni dönsku

Hætt er við að stjórnendur sænska fjárfestingarsjóðsins EQT séu með rauð eyru þessa dagana. Danskir fjölmiðlar hafa rifjað það upp að árið 2008 hafði EQT nær lokið við að kaupa meirihlutann í skartgripaframleiðandanum Pandóru en hættu við á síðustu stundu. Í staðinn seldi EQT alla forvinnu sína við kaupin til fjárfestingarsjóðsins Axcel.

Viðskipti erlent 14.10.2010 10:07

Metverð fyrir viskýflösku, seld á tæpar 18 milljónir

Nýtt verðmet var sett í vikunni hvað sölu á viský varðar. Tvær maltviskýflöskur af gerðinni Dalmore Trinitas voru seldar á 100.000 pund eða tæpar 18 milljónir kr. stykkið.

Viðskipti erlent 14.10.2010 09:22

Dómstóll í Texas setur lögbann á sölu Liverpool

Dómstóll í Texas hefur sett lögbann á fyrirhugaða sölu á breska fótboltaliðinu Liverpool en bandarískir eigendur þess, Tom Hicks og George Gillett, reyna nú allt hvað þeir geta til að koma í veg fyrir söluna.

Viðskipti erlent 14.10.2010 08:12

Fjármálamarkaðir eru að tærast upp hægt og bítandi

Fjármálakreppan hefur skilið eftir sjúkdóm sem er hægt og bítandi að tæra upp fjármálamarkaði heimsins. Dag eftir dag sökkva fjármálamarkaðirnir aðeins dýpra niður í fen sem gæti orðið verulega erfitt að ná sér upp úr eftir skamman tíma.

Viðskipti erlent 13.10.2010 14:58

James Bond líklega að skipta um eiganda

Kvikmyndaverið Lions Gate hefur lagt fram tilboð í MGM en þess hefur lengi verið vænst að þessi tvö stærstu kvikmyndaver í Hollywood myndu sameinast. MGM á nú í miklum fjárhagserfiðleikum og rambar á barmi gjaldþrots.

Viðskipti erlent 13.10.2010 13:11

Djörf hótelauglýsing veldur deilum í Noregi

Ný auglýsingaherferð hótelkeðjunnar First Hotels á Norðurlöndunum veldur nú deilum í Noregi. Alþýðusambandi Noregs (Fellesforbundet) er sérlega uppsigað við þessar auglýsingar og segir að þær feli í sér kynjamismunun og gamaldags viðhorf til kvenna.

Viðskipti erlent 13.10.2010 08:39

Álverðið heldur áfram að hækka mikið í London

Heimsmarkaðsverð á áli heldur áfram að hækka mikið á málmarkaðinum í London. Stendur verðið nú í 2.424 dollurum fyrir tonnið miðað við þriggja mánaða framvirka samninga. Hefur verðið ekki verið hærra síðan í apríl s.l.

Viðskipti erlent 12.10.2010 10:36

Nýtt tilboð flækir söluna á Liverpool

Auðmaður frá Singapore hefur lagt fram nýtt kauptilboð í enska úrvalsdeildarliðið Liverpool. Þetta flækir enn meir ruglingslega stöðuna í kringum söluna á liðinu en málið kemur til kasta breskra dómstóla í dag.

Viðskipti erlent 12.10.2010 10:22

Sviss og Noregur ríkustu þjóðirnar, Ísland í tossaflokki

Svisslendingar og Norðmenn eru ríkustu þjóðir heimsins, miðað við auð að meðaltali á hvern einstakling. Íslendingar eru hinsvegar fallnir niður í tossaflokk hvað þetta varðar ásamt Argentínu.

Viðskipti erlent 12.10.2010 09:39

Gjöfum rignir yfir gulldrengina á Wall Street í ár

Aftur í ár eiga gulldrengir og stúlkur í bönkunum á Wall Street von á bónusum og launauppbótum sem slá munu metið í þessum aukasposlum sem sett var í fyrra. Samkvæmt úttekt Wall Street Journal mun bónusupphæðin í ár nema um 144 milljörðum dollara eða rúmum 16.000 milljörðum kr.

Viðskipti erlent 12.10.2010 08:59

Eigendur Eik Banki meðal stærstu skuldara bankans

Í ljós er komið að eigendur Eik banki í Færeyjum eru í hópi stærstu skuldara bankans. Jafnframt er ljóst að þessar skuldir þarf að afskrifa að fullu. Í frétt í viðskiptablaðinu Börsen segir að skuldin í heild nemi rúmum 400 milljónum danskra kr. eða hátt í níu milljörðum kr.

Viðskipti erlent 12.10.2010 07:52

Kína hagnaðist um 160 milljarða á koparkaupum

Kínverjar högnuðust um allt að 1,5 milljarða dollara eða um 160 milljarða kr. á koparkaupum snemma árs í fyrra. Um var að ræða spákaupmennsku þar sem Kínverjar veðjuðu á að verð á kopar myndi hækka verulega. Þetta gekk eftir.

Viðskipti erlent 11.10.2010 13:43

Þrír deila Nóbelsverðlaununum í hagfræði

Þrír hagfræðingar, þeir Peter A. Diamond, Dale T. Mortensen og Christopher A. Pissarides, deila með sér Nóbelsverðlaununum í hagfræði í ár.

Viðskipti erlent 11.10.2010 11:35

Risavaxinn niðurskurður framundan í Bretlandi

Breskur almenningur stendur frammi fyrir mesta niðurskurði í ríkisútgjöldum á undanförnum 80 árum. Skera á verulega niður í velferðarkerfinu og félagsþjónustunni, til varnarmála, menntamála og í fjárfestingum á vegum breska ríkisins.

Viðskipti erlent 11.10.2010 11:17

Hækkanir á hrávörum sýna matvælakreppu í uppsiglingu

Miklar hækkanir á hrávörum eins og korni og maís undanfarnar vikur og mánuði sýna að matvælakreppa er í uppsiglingu. Nýjar tölur frá bandaríska landbúnaðarráðuneytinu sýna að kornbirgðir landsins muni í vetur verða þær minnstu undanfarin 14 ár.

Viðskipti erlent 11.10.2010 10:43

Þriðjungur af Nóbelsjóðnum hefur gufað upp

Samkvæmt tölum frá stjórn Nóbelsjóðsins hefur hann rýrnað um þriðjung frá árinu 1999. Ástæðan er netbólan í upphafi aldarinnar og síðan fjármálakreppan sem enn sér ekki fyrir endann á.

Viðskipti erlent 11.10.2010 09:23

AGS-fundi mistókst að stoppa gjaldmiðlastríð

Á fundi meðlima Alþjóðagjaldeyrissjóðsins (AGS) um, helgina mistókst að ná samkomulagi um að blása af gjaldmiðlastríð sem nú geysar í heiminum. Stríð fellst í því að ýmsar ríkisstjórnir hafa gripið til ráðstafana til að veikja gengi gjaldmiðla sinna svo hagkerfin heimafyrir séu samkeppnishæfari í alþjóðaviðskiptum.

Viðskipti erlent 11.10.2010 08:35

Hafði betur gegn banka

Bandaríski leikarinn Larry Hagman hafði á dögunum betur í máli gegn bandaríska stórbankanum Citigroup, sem var dæmdur til að greiða leikaranum 1,1 milljón dala, jafnvirði 120 milljóna króna, í skaðabætur. Hagman, sem varð 79 ára fyrir mánuði, sló í gegn sem staðalskúrkurinn J.R. Ewing í sjónvarpsþættinum Dallas sem Sjónvarpið sýndi um árabil á níunda áratug síðustu aldar.

Viðskipti erlent 9.10.2010 06:30

Manchester United tapaði milljörðum

Knattspyrnuliðið Manchester United tapaði tæpum 80 milljónum sterlingspunda á tímabilinu 30. júní í fyrra til 30. júní í ár. Upphæðin samsvarar 14 milljörðum íslenskra króna.

Viðskipti erlent 8.10.2010 17:02

Spenna vegna gjaldmiðlastríðs

Þriggja daga sameiginlegur ársfundur Alþjóðabankans og Alþjóðagjaldeyrissjóðsins, sem hefst í Washington í dag, virðist ætla að markast af spennu vegna gjaldmiðlastríðs sem virðist vera í uppsiglingu.

Viðskipti erlent 8.10.2010 09:57

Stórbankar opna gullhvelfingar sínar að nýju

Mikil eftirspurn eftir gulli í heiminum hefur orðið til þess að bankarisinn JP Morgan hefur ákveðið að opna gullhvelfingu sína í New York að nýju.

Viðskipti erlent 7.10.2010 07:34

Danir biðja Færeyinga ekki afsökunar vegna Eik Banki

Brian Mikkelsen viðskiptaráðherra Danmerkur segir að hann muni ekki biðja Færeyinga afsökunar á harkalegri meðferð danskra yfirvalda á Eik Banki í Færeyjum og Danmörku.

Viðskipti erlent 7.10.2010 07:24

200 milljarða tilboði í Iceland var hafnað

Malcolm Walker, stofnandi og forstjóri bresku lágvöruverðskeðjunnar Iceland Foods, gerði tilboð í fyrirtækið fyrir fjórum mánuðum upp á einn milljarð breskra punda, jafnvirði um tvö hundruð milljarða íslenskra króna. Skilanefnd Landsbankans, sem fer með tæplega sjötíu prósenta hlut í Iceland Foods, leit ekki við því, samkvæmt staðfestum heimildum Fréttablaðsins.

Viðskipti erlent 7.10.2010 00:01

Viðskipti erlent

Mest lesið