Erlent

Fréttamynd

Sak­fellingu Murdaughs snúið við og stefnir í ný réttar­höld

Hæstiréttur Suður-Karólínu hefur fellt úr gildi dóm gegn Alex Murdaugh, sem var árið 2023 dæmdur fyrir að myrða eiginkonu sína og son. Líklega verður réttað yfir honum aftur vegna morðanna en Murdaugh, sem er 57 ára gamall, mun þó líklega ekki sleppa úr fangelsi, þar sem hann hefur verið dæmdur fyrir önnur brot eins og umfangsmikinn fjárdrátt.

Erlent

Fréttir í tímaröð

Fréttamynd

Úkraínskir drónaflugmenn „rústuðu“ Svíum

Svíar og önnur aðildarríki Atlantshafsbandalagsins tóku nýverið á móti úkraínskum drónaflugmönnum á æfingu á Gotlandi. Þar áttu úkraínsku hermennirnir að kynna Svía og aðra fyrir drónahernaði. Úkraínumennirnir stóðu sig svo vel að Svíarnir stöðvuðu æfinguna þrisvar sinnum til að hugsa sinn gang og reyna að breyta aðferðum sínum.

Erlent
Fréttamynd

Hafa lofað Pútín að ná Donbas í sumar

Ráðamenn í bæði Rússlandi og í Úkraínu telja litlar líkur á því að hægt verði að endurlífga viðræðurnar þar sem Bandaríkjamenn hafa reynt að miðla málum þeirra á milli, jafnvel þegar stríði Bandaríkjanna gegn Íran lýkur. Vladimír Pútín, forseti Rússlands, er sagður staðráðinn í að leggja undir sig meira landsvæði í Úkraínu og þá sérstaklega Donbas-svæðið svokallaða.

Erlent
Fréttamynd

Hafa gert leyni­legar á­rásir í Íran

Sameinuðu arabísku furstadæmin hafa gert leynilegar árásir á skotmörk í Íran. Sérfræðingar hafa lengi velt vöngum yfir slíkum árásum en þær eru meðal annars sagðar hafa beinst gegn olíuvinnsluinnviðum og vatnseymingarstöð.

Erlent
Fréttamynd

Allir far­þegar farnir frá borði og skipinu siglt til Hollands

Allir farþegar MV Hondius hafa nú yfirgefið skipið, eftir að hantaveira kom upp um borð. Skipið hefur lagt úr höfn frá Tenerife og er á leið til Hollands. Frakki og Bandaríkjamaður greindust með hantaveiru eftir að hafa yfirgefið skipið og haldið heim. Báðir eru í einangrun.

Erlent
Fréttamynd

Enn eykst þrýstingur á Starmer

Vandræði Keir Starmers forsætisráðherra Breta aukast með hverjum deginum. Nú er svo komið að stór hópur þingmanna hans í Verkamannaflokknum, eða að minnsta kosti 72 þingmenn, hafa hvatt hann til að segja af sér og innanríkisráðherrann Shabana Mahmood hefur hvatt hann til þess að hefja undirbúning að leiðtogaskiptum í flokknum.

Erlent
Fréttamynd

Skaut tvo til bana og særði sex með Kalishnikov-riffli

Minnst tveir eru látnir og sex særðir eftir að maður hóf skothríð úr Kalashnikov-riffli í Nice í Frakklandi í dag. Árásin er talin tengjast uppgjöri í undirheimum borgarinnar og innflutningi fíkniefna en nokkrar skotárásir hafa verið gerðar í borginni á undanförnum dögum.

Erlent
Fréttamynd

Fjaðra­fok vegna á­sakana um kynlífsþrælkun á Wall Street

Nokkrum mánuðum eftir að Chirayu Rana hætti hjá JPMorgan, höfðaði hann mál gegn fyrirtækinu og fyrrverandi samstarfskonu sinni sem hann sakaði um kynferðislega áreitni og kynferðisbrot og sagði hana hafa gert sig að kynlífsþræl. Ásakanir hans þóttu nokkuð sjokkerandi og hafa fregnir af málinu dreifst um internetið eins og eldur um sinu, með tilheyrandi rangfærslum.

Erlent
Fréttamynd

Chat­GPT sagt hafa ráð­lagt byssumanni að myrða börn

Ekkja manns sem var drepinn í skotárás í Flórída í Bandaríkjunum halda því fram að spjallmennið ChatGPT hafi ráðlagt árásarmanninum að drepa börn til þess að vekja sem mesta athygli. Hún hefur stefnt eiganda spjallmennisins fyrir dómi.

Erlent
Fréttamynd

Hafna því að hanta­veiran hafi borist frá hjara veraldar

Yfirvöld í ferðamannabænum Ushuaia á syðsta odda Suður-Ameríku þræta fyrir að hópsýking hantaveiru eigi upptök sín í borginni. Argentínskir sérfræðingar telja mögulegt að veiran hafi borist í ferðamenn á vinsælum fuglaskoðunarstað í Ushuaia.

Erlent
Fréttamynd

Við­ræður virðast stranda á kjarnorkumálunum

Tillögur Írana um forsendur fyrir viðræðum um varanlegan frið eru sagðar fela í sér afléttingu hafnbanns Bandaríkjanna á Hormuz-sundi, afléttingu allra refsiagerða gegn Íran og tryggingu fyrir því að ekki verði gerðar frekari árásir á landið. Þá segir Wall Street Journal tillögurnar fela í sér skammvinnra bann gegn auðgun úrans en Bandaríkjamenn höfðu lagt til og útflutning aðeins hluta birgða Írana af auðguðu úrani.

Erlent
Fréttamynd

Fyrr­verandi ráð­herra vill þvinga fram leiðtogakjör

Taumhald Keirs Starmer forsætisráðherra Bretlands á Verkamannaflokkinum virðist ætla að renna honum úr greipum og stemningin innanbúðar nálgast suðupunkt eftir afhroð í sveitarstjórnarkosningum í vikunni. Fyrrverandi ráðherra hefur nú gengið fram fyrir skjöldu og skorað á Starmer að víkja.

Erlent
Fréttamynd

Fyrstu far­þegar hantaveiruskipsins farnir frá borði á Tenerife

Skemmtiferðaskipið MV Hondius lagðist við höfn á Tenerife klukkan hálf sex í morgun og hafa fyrstu farþegar farið frá borði. Það hafði verið ágreiningur meðal yfirvalda allt fram á síðustu stundu um hvernig þetta ferli ætti að fara fram en höfnin var valin vegna þess hversu afskekkt hún er þrátt fyrir að vera nálægt flugvelli. Allir um borð skipsins hafa verið skimaðir og reyndust allir einkennalausir.

Erlent
Fréttamynd

Skildu skrið­drekana eftir á víg­línunni

„Sigurinn verður, og hefur alltaf verið, okkar,“ sagði Vladimír Pútín Rússlandsforseti er hann flutti ræðu á Rauða torginu í Moskvu þar sem hersveitir höfðu stillt sér upp að tilefni Sigurdagsins svokallaða. Hersýningin var með breyttu sniði í ár, nánar til tekið smærri, þar sem flest þungavopn Rússa eru á víglínunni í Úkraínu um þessar mundir.

Erlent
Fréttamynd

Loft­á­rásir skekja vopna­hlé í Líbanon

Þrátt fyrir að vopnahlé eigi að gilda halda átök áfram milli Ísraels og Hezbolla í Líbanon. Hið minnsta sjö féllu í loftárás Ísraels í Saksakiyeh í dag. Á meðan bíða Bandaríkjamenn eftir því að Íranir bregðist við friðartillögum sínum.

Erlent
Fréttamynd

Yfir­maður WHO hug­hreystir Tenerife-búa

Yfirmaður Alþjóðaheilbrigðismálastofnunarinnar fullvissaði íbúa Tenerife um að hættan sem stafaði af skemmtiferðaskipinu MV Hondius sem leggur að landi þar á morgun eftir að hantaveira dró þar þrjá til bana, væri lítil og að enginn um borð sýndi einkenni.

Erlent