Innherji
Mest lesið
Sjá fram á aukin inngrip seðlabanka og mikla hættu fyrir evrusamstarfið
Sjóðstjóri Visku Macro, sem hefur einkum veðjað á fjárfestingar í málmum, hrávörum og innviðum tengdum gervigreind og orkuframleiðslu, telur að vaxandi skuldavandi ríkja muni knýja seðlabanka til aukinna inngripa á skuldabréfamörkuðum og varar við því að evrusamstarfið geti komist í verulega hættu. Erfitt verður að viðhalda háum raunvöxtum í skuldsettum hagkerfum án þess að það setji þrýsting á ríkisfjármálin og fjármálakerifð, að mati sjóðastýringarfélagsins, og því sé líklegt að ákall um aðgerðir fari vaxandi eftir því sem þau áhrif koma skýrar fram.
Fréttir í tímaröð
Staða Kaldvíkur „þung“ og verðmatið komið undir markaðsgengi
Verðmat á fiskeldisfyrirtækinu Kaldvík hefur verið lækkað um liðlega þriðjung í kjölfar erfiðleika í rekstri, versnandi sjóðsstöðu og hækkandi fjármagnskostnaðar. Greinendur telja fjárhagsstöðu félagsins þunga eftir mikil áföll síðustu misseri en gera ráð fyrir að reksturinn fari að rétta úr kútnum á næsta ári.
Þakkar hóflegum launahækkunum að Svíar gátu lækkað vexti hraðar
Hóflegar launahækkanir í Svíþjóð á tímum mikillar verðbólgu áttu veigamikinn þátt í því að hægt var að ná verðbólgunni hraðar niður en víða annars staðar og lækka vexti fyrr og meira, að sögn varaseðlabankastjóra Svíþjóðar. Á sama tíma hafa laun á Íslandi hækkað mun meira en þekkist á hinum Norðurlöndunum og ný rannsókn hjá varaseðlabankastjóra peningastefnu bendir til þess að áhrif launahækkana á verðbólgu hafi aukist mikið, einkum núna þegar verðbólguvæntingar eru háar.
Telja Arion geta losað um 100 milljarða með sömu reglum og norrænir bankar
Arion gæti bundið um hundrað milljörðum króna minna í eigið fé ef íslenskir bankar byggju við sambærilegar eiginfjárkröfur og aðferðafræði við áhættumat útlána og tíðkast á Norðurlöndunum, að sögn forstjóra Stoða. Í kynningu fyrir hluthöfum fjárfestingafélagsins sagði hann ljóst að íslensk skattlagning og eiginfjárreglur dragi verulega úr samkeppnishæfni bankanna og þá um leið virði þeirra á hlutabréfamarkaði.
Frumvarp um séríslenskt bónusþak sagt „auka áættu í rekstri“ verðbréfafélaga
Áform fjármálaráðherra um að viðhalda 25 prósenta hámarki á kaupaukagreiðslur starfsmanna verðbréfafyrirtækja eru til þess fallin að „auka áhættu í rekstri [þeirra] fremur en að draga úr henni,“ að mati framkvæmdastjóra Acro verðbréfa. Hann gagnrýnir að stjórnvöld hafi ákveðið að halda í séríslenskar reglur, langtum strangari en annars staðar á Norðurlöndunum, án þess að nokkur greining liggi fyrir um hvaða áhættu þeim sé ætlað að mæta.
Arctic Therapeutics klárar 2,6 milljarða fjármögnun til frekari lyfjaþróunar
Íslenska líftæknilyfjafyrirtækið Arctic Therapeutics hefur lokið fjármögnun fyrir jafnvirði rúmlega 2,6 milljarða króna eftir að ákveðið var að stækka útboðið vegna umframeftirspurnar. Fjögur fjárfestingarfélög, þar á meðal Pekron og Kaldbakur, leiddu fjármögnunina sem verður einkum nýtt til að koma tveimur nýjum lyfjaþróunarverkefnum nær klínískum rannsóknum.
Myntbreyta
Mynt
Miðgengi
Upphæð
ISK1
GBP0
SEK0
USD0
EUR0
NOK0
DKK0
JPY0
Vanrækti að rannsaka raunverulegan kostnað keppinauta Landsvirkjunar
Áfrýjunarnefnd samkeppnismála taldi rannsókn Samkeppniseftirlitsins gegn Landsvirkjun haldna verulegum annmörkum á grundvallaratriðum málsins, meðal annars við skilgreiningu markaða og mat á samkeppnishamlandi áhrifum verðlagningar orkufyrirtækisins, og er niðurstaðan sögð hafa „verulega þýðingu fyrir íslenskt atvinnulíf.“ Eftirlitið aflaði ekki upplýsinga um raunverulegan innkaupakostnað keppinauta Landsvirkjunar áður en það komst að þeirri niðurstöðu að orkufyrirtækið hefði með ólögmætum verðþrýstingi gert þeim ómögulegt að keppa við sig án þess að tapa á viðskiptunum.
Jón Arnór gengur til liðs við Akta eignastýringu
Akta er að bæta við teymið sitt með ráðningu á Jóni Arnóri Stefánssyni en hann kemur til félagsins eftir nokkurn viðsnúningi í rekstri að undanförnu með auknum eignum í stýringu.
Greinendur sjá fram á lægri kostnað og meiri framleiðslugetu hjá Alvotech
Greinendur erlendra fjárfestingabanka telja verulegt svigrúm til hækkunar á hlutabréfaverði Alvotech á næstu misserum samhliða minnkandi óvissu um framleiðslumál félagsins og tekjur af líftæknilyfjahliðstæðum sem þegar eru á markaði verði meiri til lengri tíma en áður var áætlað. Nýtt samþykki FDA fyrir framleiðsluferli Alvotech er einnig sagt geta lækkað framleiðslukostnað umtalsvert og aukið afkastagetuna án frekari fjárfestinga.
Telja Alvotech vera að komast yfir erfiðasta hjallann
Hlutabréfagreinendur telja að Alvotech sé við það að komast yfir erfiðasta hjallann eftir stormasamt ár og sjá fyrir sér verulegan tekjuvöxt á næstu árum. Jákvæð tíðindi frá bandaríska lyfjaeftirlitinu og aukin fjármögnun eru talin hafa dregið úr óvissu um reksturinn.
Kynna vaxtarplan sem gæti skilað 300 milljarða viðsnúningi í afkomu ríkissjóðs
Með markvissum aðgerðum til að efla fimm helstu útflutningsgreinar landsins, sölu ríkiseigna og auknu aðhaldi í opinberum útgjöldum væri hægt að auka hagvöxt um nær helming frá núverandi spám og bæta afkomu ríkissjóðs um hátt í 300 milljarða króna á næstu fimm árum, samkvæmt tillögum sem forstjóri Stoða hefur kynnt hluthöfum. Telur hann að með slíkum aðgerðum mætti jafnframt lækka skuldir ríkissjóðs um helming og draga verulega úr vaxtakostnaði hins opinbera.
Uppgangurinn í valdatíð verkstjórnar valkyrjanna
Millistjórnandinn leiddi að því líkum í síðustu viku að þegar allt verður yfirstaðið verði bremsufar Ragnars Þórs Ingólfssonar, félags- og húsnæðismálaráðherra, áberandi víða í samfélaginu. Verður það að teljast nokkuð afrek hjá félagsmálaráðherranum í viðleitni sinni við að koma böndum á verðbólgu.
Milljarðasparnaður á Indlandi ætti að auka samkeppnisforskot Hampiðjunnar
Mikil uppbygging Hampiðjunnar á Indlandi, þar sem framleiðslukostnaður er mun lægri en í Evrópu, er talin geta skilað félaginu verulegu samkeppnisforskoti og aukinni arðsemi á næstu árum. Árlegur sparnaður í launakostnaði gæti numið um níu milljónum evra, að mati hlutabréfagreinenda, sem sjá tækifæri fyrir Hampiðjuna til að sækja á nýja markaði.
Bandarískur sjóðarisi selur bankabréf fyrir marga milljarða
Bandarískur eignastýringarrisi, sem á talsvert undir í mörgum Kauphallarfélögum hér á landi, hefur á síðustu dögum staðið að sölu fyrir samtals milljarða króna í Íslandsbanka og Arion og er mögulega búið að losa um alla sína hluti í stóru skráðu viðskiptabönkunum.
Úreltar forsendur sagðar hafa leitt til stórfellds vanmats á íbúðaþörf
Forsendur skipulagsyfirvalda á höfuðborgarsvæðinu um þörf fyrir nýjar íbúðir eru byggðar á úreltum forsendum um fólksfjölgun og stærð heimila, að sögn framkvæmdastjóra þróunarfélags á fasteignamarkaði, með þeim afleiðingum að eftirspurnin hefur verið stórlega vanmetin. Útlit er fyrir að þurfi að byggja ríflega tvöfalt fleiri íbúðir en gert var ráð fyrir þegar vaxtarmörk höfuðborgarsvæðisins voru ákveðin.
Tæknirisarnir horfa til Íslands en raforkukerfið ræður ekki við eftirspurnina
Öll stærstu bandarísku tæknifyrirtækin hafa kannað möguleika á uppbyggingu gagnavera á Íslandi en umfang þeirra verkefna sem þau horfa til er langt umfram það sem raforkukerfið ræður við. Ekki er talið raunhæft að ráðast í mjög stór gagnaversverkefni hér á landi á næstu fimm til sjö árum miðað við fyrirliggjandi áætlanir um aukna orkuframleiðslu.
Hækka afkomuspá Heima en verðmatið lækkar um sex prósent
Þrátt fyrir kröftugan tekjuvöxt og betri afkomuhorfur er verðmat á Heimum lækkað vegna hækkandi fjármagnskostnaðar og lakari sjóðsstöðu. Fjárfestingar síðustu ára eru hins vegar farnar að skila sér í auknum leigutekjum.
Brýtur tíu prósenta múrinn í Skaga og fær heimild til virks eignarhlutar
Fjárfestingafélag Bjarna Ármannssonar hefur fengið heimild frá Seðlabankanum til að fara með yfir tíu prósenta eignarhlut í Skaga, sem á meðal annars VÍS og Fossar fjárfestingabanka, eftir að hafa stækkað enn frekar stöðu sína í félaginu. Bjarni er eini einkafjárfestirinn í dag með heimild til að fara með virkan eignarhlut í einu af stærri fjármálafyrirtækjum landsins.
Væntingar um að samruni Gildis og Festu skili yfir milljarði í árlegri samlegð
Með sameiningu lífeyrissjóðanna Gildis og Festu er áætlað að það geti skilað árlegri samlegð upp á samtals vel yfir einn milljarð, einkum vegna lægri rekstrarkostnaðar og hagstæðari kjara við erlenda eignastýringu. Ekki er gert ráð fyrir fækkun starfsfólks vegna samrunans en mögulega þarf að skerða áunnin lífeyrisréttindi sjóðfélaga þess sjóðs sem stendur lakar tryggingafræðilega til að jafna stöðu þeirra fyrir sameiningu.
Handbremsubeygja inn í haustið
Enn og aftur hefur ríkisstjórnin lagt fram frumvarp til laga sem allir – að Stefáni Ólafssyni félagsfræðingi undanskildum – eru sammála um að sé ígildi efnahagslegs sjálfsmarks, svo ekki sé sterkar að orði kveðið.
Ekkert lát á fjölgun starfa hjá hinu opinbera en fækkar ört í einkageiranum
Fjölgun starfandi fólks á vinnumarkaði hefur verið drifin áfram af opinbera geiranum allt þetta ár á meðan starfsfólki fækkar ört í öðrum atvinnugreinum, einkum í byggingarstarfsemi og ferðaþjónustu.
Hærri bankaskattur vegur á móti sterkari undirliggjandi rekstri Arion
Afkoma Arion banka á þriðja ársfjórðungi ætti að bera þess merki að undirliggjandi rekstur sé áfram sterkur, meðal annars vegna mikilla vaxtatekna og batnandi kostnaðarhlutfalls. Fyrirhuguð hækkun bankaskatts breytir hins vegar myndinni verulega og hefur DNB Carnegie lækkað afkomuspár sínar og verðmat á bankanum.
Skuldsettustu ríkin geta ekki lengur slegið aðhaldsaðgerðum á frest
Skuldsettar þjóðir geta ekki lengur treyst á að hagvöxtur einn og sér leysi vanda ríkisfjármálanna, að mati framkvæmdastjóra Alþjóðagjaldeyrissjóðsins. Hún hvetur stjórnvöld til að hemja útgjaldavöxt og móta trúverðugar áætlanir um lækkun skulda til að draga úr verðbólgu og þrýstingi á vexti.
Óbreyttur tónn bankans og vonir um frið á vinnumarkaði lækkar markaðsvexti
Ákvörðun peningastefnunefndar Seðlabankans um að halda vöxtum óbreyttum, stutt af öllum nefndarmönnum, var viðbúin og engar breytingar voru gerðar á framsýnni leiðsögn hennar. Skömmu áður hafði náðst samkomulag hjá stórum hluta launþegahreyfingarinnar við SA um að slíta ekki kjarasamningum og hafa skuldabréfafjárfestar tekið vel í þær fréttir og markaðsvextir óverðtryggðra ríkisbréfa lækkað.