Tyson-Thomas einu stigi frá þriðja 50 stiga leiknum í vetur | Skallagrímur á góðu skriði

Heil umferð fór fram í Domino's deild kvenna í kvöld.

Snæfell batt enda á fimm leikja sigurgöngu Keflavíkur með fjögurra stiga sigri, 72-68, í leik liðanna í Stykkishólmi.

Snæfell og Keflavík eru bæði með tíu stig á toppi deildarinnar ásamt Skallagrími sem vann öruggan sigur, 68-87, á botnliði Vals á Hlíðarenda.

Tavelyn Tillman var stigahæst í liði Skallagríms með 25 stig. Sigrún Sjöfn Ámundadóttir var með myndarlega þrennu en hún skoraði 18 stig, tók 11 fráköst og gaf 13 stoðsendingar.

Mia Loyd skoraði 22 stig og tók 21 fráköst í liði Vals sem hefur tapað sex af sjö leikjum sínum í vetur.

Carmen Tyson-Thomas fór hamförum þegar Njarðvík rúllaði yfir Hauka á heimavelli, 98-71.

Tyson-Thomas skoraði 49 stig í leiknum og tók auk þess 18 fráköst, gaf átta stoðsendingar og stal boltanum fimm sinnum. Mögnuð frammistaða hjá þessum frábæra leikmanni.

Björk Gunnarsdóttir var næststigahæst í liði Njarðvíkur með 20 stig en hún setti niður fimm þrista í leiknum.

Michelle Mitchell skoraði 29 stig fyrir Hauka sem hittu aðeins úr einu af 21 þriggja stiga skoti sem þeir reyndu í leiknum.

Njarðvík er með átta stig en Haukar eru með fjögur stig í 7. sætinu.

Danielle Victoria Rodríguez skoraði 32 stig fyrir Stjörnuna sem vann góðan átta stiga sigur, 67-59, á Grindavík.

Grindvíkingar leiddu með sex stigum í hálfleik, 30-36, en Stjörnukonur skelltu í lás í vörninni í seinni hálfleik þar sem þær fengu aðeins á sig 23 stig.

Ashley Grimes var atkvæðamest í liði Grindavíkur með 23 stig og 12 fráköst.

Stjarnan er með átta stig en Grindavík aðeins fjögur.

Tölfræði leikja kvöldsins:

Snæfell - Keflavík 72-68

Snæfell: Aaryn Ellenberg-Wiley 26/7 fráköst/5 stoðsendingar, Berglind Gunnarsdóttir 17/8 fráköst, María Björnsdóttir 6, Gunnhildur Gunnarsdóttir 5, Helga Hjördís Björgvinsdóttir 5, Bryndís Guðmundsdóttir 4/5 stoðsendingar, Sara Diljá Sigurðardóttir 4, Andrea Björt Ólafsdóttir 3, Pálína Gunnlaugsdóttir 3, Hugrún Elva Valdimarsdóttir 3.

Keflavík: Erna Hákonardóttir 16, Dominique Hudson 15/10 fráköst/9 stoðsendingar, Salbjörg Ragna Sævarsdóttir 11/10 fráköst, Birna Valgerður Benónýsdóttir 6, Emelía Ósk Gunnarsdóttir 5, Thelma Dís Ágústsdóttir 4, Katla Rún Garðarsdóttir 4, Irena Sól Jónsdóttir 4, Þóranna Kika Hodge-Carr 2, Elsa Albertsdóttir 1.

Valur - Skallagrímur 68-87

Valur: Mia Loyd 22/21 frákast, Dagbjört Samúelsdóttir 13, Dagbjört Dögg Karlsdóttir 12/6 stoðsendingar, Bergþóra Holton Tómasdóttir 12, Guðbjörg Sverrisdóttir 4, Elín Sóley Hrafnkelsdóttir 3, Elfa Falsdóttir 2.

Skallagrímur: Tavelyn Tillman 25/8 fráköst, Sigrún Sjöfn Ámundadóttir 18/11 fráköst/13 stoðsendingar, Ragnheiður Benónísdóttir 16, Jóhanna Björk Sveinsdóttir 10, Sólrún Sæmundsdóttir 8, Auður Íris Ólafsdóttir 6, Kristrún Sigurjónsdóttir 4.

Njarðvík - Haukar 99-71

Njarðvík: Carmen Tyson-Thomas 49/18 fráköst/8 stoðsendingar, Björk Gunnarsdótir 20/5 stoðsendingar, Hulda Bergsteinsdóttir 8, Árnína Lena Rúnarsdóttir 7, Heiða Björg Valdimarsdóttir 5, Soffía Rún Skúladóttir 3, María Jónsdóttir 2, Hera Sóley Sölvadóttir 2, Ása Böðvarsdóttir-Taylor 2.

Haukar: Michelle  Mitchell 29/15 fráköst, Rósa Björk Pétursdóttir 12/6 fráköst, Dýrfinna Arnardóttir 11/6 fráköst, Þórdís Jóna Kristjánsdóttir 6, Sólrún Inga Gísladóttir 4, Ragnhildur Einarsdóttir 3, Sigrún Björg Ólafsdóttir 2, Ragnheiður Björk Einarsdóttir 2, Anna Lóa Óskarsdóttir 1, Magdalena Gísladóttir 1.

Stjarnan - Grindavík 67-59

Stjarnan: Danielle Victoria Rodriguez 32/10 fráköst/6 varin skot, Ragna Margrét Brynjarsdóttir 15, Bryndís Hanna Hreinsdóttir 10, Bríet Sif Hinriksdóttir 6/7 fráköst, Jónína Þórdís Karlsdóttir 2, Hafrún Hálfdánardóttir 2.

Grindavík: Ashley Grimes 23/12 fráköst, María Ben Erlingsdóttir 17/10 fráköst, Ingunn Embla Kristínardóttir 10/7 stoðsendingar, Sigrún Elfa Ágústsdóttir 4, Íris Sverrisdóttir 4, Jeanne Lois Figueroa Sicat 1.