Íþróttir

Grótta lagði Fram

Kvennalið Gróttu lagði Fram á heimavelli sínum í kvöld 34-29 í DHL-deild kvenna í handbolta. Það var öðrum fremur Íris Björk Símonardóttir í marki Gróttu sem lagði grunninn að sigri liðsins með því að verja 31 skot í leiknum. Markahæst í liði Gróttu var Ivana Veljkovic með 10 mörk, en hjá Fram var það Annette Köbli sem skoraði mest, 12 mörk.

Sport 7.2.2006 20:58

Birmingham yfir í hálfleik

Birmingham hefur yfir 1-0 í leiknum við Reading í enska bikarnum, en leikurinn er sýndur í beinni útsendingu á Sýn. Ívar Ingimarsson og Brynjar Björn Gunnarsson eru báðir í byrjunarliði Reading. Það var finnski framherjinn Mikael Forssell sem skoraði mark Birmingham á 30. mínútu.

Sport 7.2.2006 20:43

Egyptar í úrslit

Það verða Egyptaland og Fílabeinsströndin sem mætast í úrslitum Afríkukeppninnar í knattspyrnu eftir að Egyptar lögðu Senegala 2-1 í undanúrslitum keppninar áðan.

Sport 7.2.2006 18:58

Birmingham - Reading í beinni á Sýn

Leikur Birmingham og Reading í enska bikarnum verður sýndur á sjónvarpsstöðinni Sýn í kvöld og hefst útsending klukkan 19:35. Þetta er síðari leikur liðanna eftir að þau gerðu jafntefli á heimavelli Reading á dögunum. Stjóri Reading er talinn muni hvíla nokkra af lykilmönnum sínum í kvöld, en hann leggur áherslu á að koma liðinu upp í úrvalsdeildi í vor.

Sport 7.2.2006 18:41

Fimm leikir í kvöld

Fimm leikir fara fram í DHL-deild kvenna í handbolta í kvöld þegar keppni hefst á ný eftir langt vetrarfrí. HK tekur á móti Haukum í Digranesi, FH og Víkingur mætast í Kaplakrika, KA/Þór mætir Val fyrir norðan, Grótta tekur á móti Fram á Seltjarnarnesi og þá tekur ÍBV á móti Stjörnunni í Eyjum. Allir leikirnir hefjast klukkan 19:15.

Sport 7.2.2006 18:17

Tyrkir í sex leikja bann

Alþjóða knattspyrnusambandið hefur dæmt landslið Tyrkja til að spila næstu sex heimaleiki sína fyrir luktum dyrum vegna ólátanna sem áttu sér stað eftir leik liðsins gegn Svisslendingum í undankeppni HM í sumar.

Sport 7.2.2006 17:50

Fílabeinsströndin í úrslit

Lið Fílabeinsstrandarinnar komst í dag í úrslit Afríkukeppninnar í knattspyrnu þegar liðið lagði Nígeríu 1-0 í undanúrslitunum. Það var Didier Drogba, leikmaður Chelsea, sem skoraði sigurmarkið á 47.mínútu.

Sport 7.2.2006 17:05

Fullviss um að verða áfram í Madrid

Knattspyrnumaðurinn David Beckham segir 99% öruggt að hann muni skrifa undir framlengingu á samningi sínum við Real Madrid í sumar og verða áfram í herbúðum félagsins. Beckham hefur verið orðaður við félög í heimalandinu, en segir að hann vilji vera hjá Madrid og að félagið vilji sig, svo ekkert sé í vegi fyrir nýjum samningi.

Sport 7.2.2006 14:26

Khan mætir Williams í Norwich

Nú hefur verið tilkynnt að næsti andstæðingur undrabarnsins Amir Khan verði Jackson Williams og munu þeir eigast við þann 25. febrúar næstkomandi í London. Bardagi þeirra verður háður á undan viðureign Danny Williams og Matt Skelton í þungavigt.

Sport 7.2.2006 14:16

Robben á að fá Óskarsverðlaunin

Jose Reina var ekki ánægður með leikræna tilburði Hollendingsins Arjen Robben í leik Liverpool og Chelsea á sunnudag, en spænski markvörðurinn fékk að líta rauða spjaldið í leiknum eftir að hafa stjakað við Robben, sem lét sig vaða í völlinn með leikrænum tilburðum og fiskaði markvörðinn útaf.

Sport 7.2.2006 14:31

Chelsea á höttunum eftir Adu

Englandsmeistarar Chelsea hafa ekki gefið upp alla von um að lokka unglinginn Freddy Adu til sín frá Bandaríkjunum þar sem hann leikur með DC United, en Manchester United hefur einnig leitast við að fá hinn 16 ára gamla leikmann í sínar raðir.

Sport 7.2.2006 14:09

Fjórði sigur Houston í röð

Lið Houston Rockets er óðum að rétta úr kútnum eftir að þeir Yao Ming og Tracy McGrady sneru báðir til baka úr meiðslum og í nótt vann liðið fjórða leik sinn í röð þegar það skellti Philadelphia á útivelli 87-81. Yao Ming skoraði 27 stig og hirti 12 fráköst fyrir Houston, en Allen Iverson skoraði 32 stig fyrir Philadelphia.

Sport 7.2.2006 13:37

Leitin að eftirmanni Keane heldur áfram

Sir Alex Ferguson, knattspyrnustjóri Manchester United segir að leitin að eftirmanni Roy Keane á miðju liðsins hafi staðið yfir í tvö ár og segir einmitt það vera næsta mál á dagskrá í leikmannakaupum hjá félaginu.

Sport 6.2.2006 19:30

Heskey í vanda

Framherjinn Emile Heskey hjá Birmingham á yfir höfði sér frekara leikbann en það sem hann fær fyrir að vera rekinn af velli gegn Arsenal í leik liðanna á dögunum, því enska knattspyrnusambandið hefur nú kært hann fyrir að hegðun sem hann sýndi eftir að hann fékk að líta sitt annað gula spjald í leiknum.

Sport 6.2.2006 18:25

Hartson hættur með landsliðinu

Framherjinn John Hartson hefur tilkynnt að hann sé hættur að gefa kost á sér í landslið Wales og ætlar framvegis að einbeita sér að því að spila með liði sínu Glasgow Celtic í Skotlandi. Hartson er þrítugur, á að baki 51 landsleik og hefur skoraði í þeim 14 mörk.

Sport 6.2.2006 16:43

Allardyce má taka við landsliðinu

Stjórnarformaður Bolton segir að ef enska knattspyrnusambandið fælist eftir því að fá Sam Allardyce til að taka við enska landsliðinu, mundi hann ekki standa í vegi fyrir því, en tekur fram að ekki komi til greina að hann fari til annars félags í úrvalsdeildinni.

Sport 6.2.2006 15:44

Spjaldi Reina ekki áfrýjað

Liverpool áfrýjar ekki rauða spjaldinu sem markvörðurinn Claudio Reyna fékk að líta í leik Chelsea og Liverpool í gær. Reina fékk að líta rauða spjaldið eftir að hafa danglað hendinni í átt að Arjen Robben hjá Chelsea, sem féll í jörðina með miklum tilþrifum. Fresturinn til að áfrýja er nú runninn út og engar athugasemdir bárust frá Liverpool fyrir þann tíma.

Sport 6.2.2006 14:53

Jóhannes og Grétar skrifa undir

Jóhannes Karl Guðjónsson hefur skrifað undir fjögurra ára samning við hollenska liðið AZ Alkmaar og gengur í raðir þess frá Leicester í sumar. Þá hefur Grétar Rafn Steinsson undirritað nýjan og betri samning við félagið sem gildir til ársins 2011.

Sport 6.2.2006 15:04

Ég hljóp á mig

Joey Barton, leikmaður Manchester City, hefur nú dregið beiðni sína um að verða seldur frá félaginu til baka og segist vonast til að ná samningum við félagið á næstu dögum. Hann segist jafnframt hafa látið skapið hlaupa með sig í gönur þegar hann fór fram á að verða seldur á dögunum.

Sport 6.2.2006 14:05

Leikmenn Boro ósáttir við McClaren

Jonathan Greening, leikmaður West Brom og fyrrum leikmaður Middlesbrough, segir nokkra af leikmönnum Boro hafa látið í ljós við sig óánægju með störf Steve McClaren, knattspyrnustjóra félagsins.

Sport 6.2.2006 13:26

Tap hjá Napoli

Jón Arnór Stefánsson og félagar í ítalska liðinu Napoli töpuðu naumlega fyrir Milano 97-95 í A-deildinni þar í landi í gærkvöld. Jón Arnór skoraði 8 stig fyrir Napoli, sem er í öðru sæti deildarinnar. Jakob Sigurðarson komst ekki á blað hjá Leverkusen þegar liðið tapaði fyrir Frankfurt 88-84 í úrvalsdeildinni þýsku, en Logi Gunnarsson 23 stig fyrir lið sitt Bayreuth í 97-70 stórsigri liðsins á Nördlingen í 2. deildinni.

Sport 6.2.2006 13:09

Mætti á æfingu hjá Arsenal í dag

Varnarmaðurinn Sol Campbell hefur nú snúið aftur til æfinga með liði sínu Arsenal eftir að hafa farið huldu höfði í nokkra daga eftir tapið fyrir West Ham í síðustu viku. Campbell gerði sig sekan um dýr mistök í leiknum og lét sig hverfa í hálfleik og hefur ekki mætt á æfingu síðan.

Sport 6.2.2006 12:58

Enn tapar New York

New York Knicks tapaði enn einum leiknum í nótt þegar liðið lá á heimavelli fyrir Houston Rockets 93-89. Jamal Crawford skoraði 24 stig fyrir New York, en Tracy McGrady skoraði 23 fyrir Houston.

Sport 6.2.2006 11:13

Grönholm sigraði í Svíþjóð

Finnski ökuþórinn Marcus Grönholm sigraði nokkuð örugglega í sænska rallinu um helgina og hefur því unnið sigur á fyrstu tveimur mótum ársins með Ford-liðinu. Heimsmeistarinn Sebastien Loeb veitti honum góða keppni um helgina, en þurfti að sætta sig við annað sætið að þessu sinni.

Sport 6.2.2006 11:01

Gagnrýnir vinnubrögð Arsenal

Hollenski sóknarmaðurinn Dennis Bergkamp segir skrítið að forráðamenn félagsins hafi ekki hugsað fyrir því að finna mann til að fylla skarð Patrick Vieira áður en þeir seldu hann til Juventus í sumar og segir Vieira hafa verið mikilvægari liðinu en nokkur gerir sér grein fyrir.

Sport 6.2.2006 10:38

Steelers unnu Ofurskálina

Pittsburgh Steelers lögðu Seattle Seahawks 21-10 í úrslitaleiknum í ameríska fótboltanum í nótt, en leikurinn fór fram í Detroit og var sýndur í beinni útsendingu á Sýn. Þetta var fyrsti titill Steelers síðan árið 1980 og fimmti titillinn í sögu liðsins.

Sport 6.2.2006 10:28

Robben hlýtur að vera hálsbrotinn

Rafael Benitez, knattspyrnustjóri Liverpool segir að það sé alltaf erfitt að lenda undir gegn góðu liði eins og Chelsea sem vann 2-0 í viðureign liðanna á Stamford Bridge. Hann var hins vegar æfur út í Arjen Robben sem fiskaði markvörð Liverpool, Jose Reina út af með rautt spjald. "...Ég þarf að drífa mig á spítalann því Robben hlýtur að vera þar..." José Mourinho knattspyrnustjóri Chelsea þvertekur fyrir að fara í orðaleik við Benitez. "Ég hef ekki áhuga á því sem Rafa segir..."

Sport 5.2.2006 22:59

Keflavík og Grindavík í úrslit

Keflavík og Grindavík leika til úrslita í bikarkeppni karla í körfubolta en þau unnu leiki sína í undanúrslitunum í kvöld. Keflavík sló út bikarmeistara Njarðvíkur í kvöld 89-85. Þá vann Grindavík tíu stiga sigur á Skallagrími, 97-87 í kvöld þar sem Jeremiah Johnson var stigahæstur Grindvíkinga með 37 stig.

Sport 5.2.2006 21:24

Loksins tapaði Barcelona

Barcelona tapaði í kvöld á heimavelli sínum fyrir Atlético Madrid, 1-3 í spænsku úrvalsdeildinni í fótbolta. Þetta er fyrsta tap liðsins eftir að hafa unnið 18 leiki í röð í öllum keppnum. Fernando Torres skoraði tvisvar fyrir gestina en Henrik Larsson gerði eina mark heimamanna sem eru efstir með 52 stig, 9 stiga forskot á Valencia.

Sport 5.2.2006 20:41

Abramovich tengist hugsanlegri morðrannsókn

Glæsiskúta í eigu hins moldríka rússneska eiganda Chelsea, Roman Abramovich, er nú vettvangur hugsanlegrar morðrannsóknar á Nýja Sjálandi. Skútan sem er 150 milljóna dollara virði lá við höfn í Auckland en þaðan hvarf áhafnarmeðlimur hennar þann 16. janúar og fannst látinn í höfninni 5 dögum síðar.

Sport 5.2.2006 19:38