Pereira furðu lostinn að hafa verið rekinn frá Forest

Pereira hefur staðfest að honum hafi verið sagt upp hjá Forest. Í yfirlýsingu segir hann að ákvörðunin hafi komið sér í opna skjöldu.

BBC greinir frá því að Forest sé langt komið með að semja við Glasner sem hætti hjá Crystal Palace eftir síðasta tímabil.

Pereira tók við Forest í febrúar. Undir hans stjórn bjargaði liðið sér frá falli úr ensku úrvalsdeildinni og komst í undanúrslit Evrópudeildarinnar.

Mikið gekk á hjá Forest á síðasta tímabili en liðið var með fjóra stjóra. Auk Pereiras stýrðu Nuno Espírito Santo, Ange Postecoglu og Sean Dyche Forest síðasta vetur.

Glasner verður fimmti stjóri Forest á síðustu tólf mánuðum. Undir hans stjórn vann Palace Sambandsdeild Evrópu á síðasta tímabili. Sá austurríski stýrði Lundúnaliðinu í rúm tvö ár en hann gerði það einnig að bikarmeisturum 2025.