Kristianstad er sænskur meistari

Leikurinn var jafn framan af en í lokin sást að Kristianstad var sterkara liðið og náði að sigla sigrinum heim. Þetta er tíundi meistaratitill Kristianstad í sögunni. Með sigri í þessum leik er Kristianstad deildarmeistari, bikarmeistari og sænskur meistari.

Einar Bragi átti stórleik og skoraði tíu mörk í leiknum. Hann náði þó ekki að vera markahæstur í sínu liði þar sem Axel Månsson skoraði tólf.

Samkvæmt sænskum sérfræðingum var það sterk vörn Kristanstad sem gerði gæfumuninn í annars jöfnum leik.