Viktor Gísli á­fram í stuði

Viktor hefur verið í góðum gír að undanförnu. Í síðustu tveimur deildarleikjum Barcelona varði hann rúmlega helming þeirra skota sem hann fékk á sig og í dag varði hann níu af skotunum 23 sem hann fékk á sig.

Emil Nielsen, markvörður danska landsliðsins, varði átta af þeim nítján skotum sem hann fékk á sig (42 prósent) og markvarslan var því með besta móti hjá Börsungum.

Eins og í flestum leikja sinna heima fyrir var Barcelona með mikla yfirburði í dag. Liðið var tíu mörkum yfir í hálfleik, 21-11.

Barcelona er með fullt hús stiga á toppi spænsku deildarinnar en liðið hefur unnið alla 27 leiki sína á tímabilinu.

Dika Mem var markahæstur hjá Barcelona í dag með sjö mörk. Ian Barrufet, Aleix Gómez og Daniel Fernández skoruðu fimm mörk hver.