Tæplega helmingur tilnefndra leikara til Eddunnar erlendir

Magnús Jochum Pálsson skrifar 10. apríl 2026 14:09

Kvikmyndarnir Ástin sem eftir og Eldarnir og sjónvarpsseríurnar Felix & Klara og King and Conqueror hlutu flestar tilnefningar.

Tilnefningar til Eddunnar í ár hafa verið tilkynntar en kvikmyndin Ástin sem eftir er hlaut flestar tilnefningar eða þrettán talsins. Hamfaramyndin Eldarnir hlaut tólf tilnefningar og sjónvarpsþáttaseríurnar Felix & Klara og King and Conqueror fengu ellefu tilnefningar hvor. Athygli vekur hve margir erlendir leikarar eru tilnefndir, eða tíu af 23 sem eru tilnefndir.

Tilnefningarnar voru tilkynntar á samfélagsmiðlum Eddunnar, íslensku kvikmynda- og sjónvarpsverðlaunanna, fyrr í dag.

Verðlaunin hafa verið veitt árlega af Íslensku kvikmynda- og sjónvarpsakademíunni (ÍKSA) frá árinu 1999. Á Eddunni í ár, sem fara fram í lok maí, verða veitt 35 verðlaun til kvikmynda- og sjónvarpsverka sem frumsýnd voru á tímabilinu 1. janúar til 31. desember 2025.

Auk almennu flokkanna verða heiðursverðlaun ÍKSA veitt, ásamt því að uppgötvun ársins hlýtur viðurkenningu. Uppgötvun ársins er veitt einstaklingi sem hefur ekki hlotið tilnefningu áður í viðkomandi flokki en vakið sérstaka athygli fyrir framúrskarandi framlag á árinu.

Tilnefningar til Edduverðlauna eru kosnar af hópi valnefnda skipuðum fagaðilum í greininni og verðlaunahafar eru svo kosnir af öllum meðlimum ÍKSA. Nýverið fjölgaði akademían fagdeildum sínum og opnaði fyrir inngöngu fleira fagfólks sem vinnur að störfum tengdum kvikmynda- og sjónvarpsgerð.

Alls bárust 51 verk og 256 innsendingar til fagverðlauna, en í ár var einnig bætt við fimmtán nýjum flokkum fyrir leikið sjónvarpsefni. Sendar voru inn þrettán heimildamyndir, sjö heimildastuttmyndir, ellefu stuttmyndir, sex kvikmyndir í fullri lengd, tíu leiknar sjónvarpsþáttaseríur, og sjö erlendar kvikmyndir.

Níu valnefndir, skipaðar 44 einstaklingum, sáu um að skipa verðlaunaflokkana 35. Síðan verður kosið um tilnefningarnar og verður Edduvarpið opið meðlimum ÍKSA frá 14. apríl til 12. maí en kosningin sjálf stendur yfir frá 1. til 12. maí. KPMG hefur yfirumsjón með kosningu og talningu atkvæða.

Eftirtalin verk hlutu flestar tilnefningar: Ástin sem eftir er með 13 tilnefningar, Eldarnir, með 12 tilnefningar, Felix & Klara með 11 tilnefningar, King and Conqueror með 11 tilnefningar, Vigdís með 9 tilnefningar og The Damned með 8 tilnefningar.

Fjöldi erlendra leikara og fagaðila er tilnefndur fyrir

Tilnefningar má sjá í heild sinni hér að neðan:

Barna- og unglingaefni árins

Merki, framleiðandi NRDR
Tólf, framleiðendur Dýnamík Stúdíó / Guðjón Ragnarsson
Vonardagur, framleiðendur EinmittEinmitt / Listaháskóli Íslands / Signý Rós

Erlend kvikmynd ársins

Heldin (Late shift), Sena
It Was Just An Accident, Bíó Paradís
One Battle After Another, Sambíóin
Sentimental Value, Sena
The Secret Agent, Bíó Paradís

Heimildarmynd ársins

Jörðin undir fótum okkar, framleiðendur Akkeri Films / Hanna Björk Valsdóttir
Paradís Amatörsins, framleiðendur Stefnuljós / Tinna Ottesen
Strengur, framleiðendur Sagafilm / Gaukur Úlfarsson / Ragnar Agnarsson

Heimildarstuttmynd ársins

Musteri minninga, framleiðendur Sensor / Kári Úlfsson / Erlendur Sveinsson
Ósigraður, framleiðandi Jóna Gréta Hilmarsdóttir
Póstkort, framleiðendur Silfurskjár / Heather Millard / Freyja Kristinsdóttir

Kvikmynd ársins

Ástin sem eftir er, framleiðendur Still Vivid / Anton Máni Svansson / Katrin Pors
Eldarnir, framleiðendur Netop Films / Grímar Jónsson
The Damned, framleiðendur Join Motion Pictures / Emilie Jouffroy / Kamilla Kristiane Hodøl / Guðmundur Arnar Guðmundsson

Stuttmynd árins

Merki, framleiðandi NRDR
Tólf, framleiðendur Dýnamík Stúdíó / Guðjón Ragnarsson
Vonardagur, framleiðendur EinmittEinmitt / Listaháskóli Íslands / Signý Rós

Leikið sjónvarpsefni ársins

Felix & Klara, framleiðendur Mystery Ísland / Davíð Óskar Ólafsson
King and Conqueror, framleiðendur Rvk Studios / Rabbit Track Pictures / The Development Partnership / Shepherd Content
Vigdís, framleiðendur Vesturport / Rakel Garðarsdóttir / Ágústa M. Ólafsdóttir / Ásta S. Einarsdóttir

Brellur ársins fyrir kvikmynd

Peter Hjorth, Anders Nyman og Haukur Karlsson fyrir Ástina sem eftir er
Szymon Kania fyrir Eldana

Búningar ársins fyrir kvikmynd

Helen Beaumont fyrir The Damned
Margrét Einarsdóttir fyrir Eldana
Rebekka Jónsdóttir fyrir Fjallið

Gervi ársins fyrir kvikmynd

Ásta Hafþórsdóttir og Sophie King fyrir The Damned
Guðbjörg Huldís Kristinsdóttir fyrir Hemmet
Ísak Freyr Helgason fyrir Fjallið

Handrit ársins fyrir kvikmynd

Hlynur Pálmason fyrir Ástina sem eftir er
Jamie Hannigan fyrir The Damned
Ugla Hauksdóttir og Marcus Englmair fyrir Eldana

Hljóð ársins fyrir kvikmynd

Björn Viktorsson fyrir Jörðina undir fótum okkar
Gunnar Árnason fyrir Fjallið
Michał Fojcik fyrir Eldana

Klipping fyrir kvikmynd

Daníel Bjarnason fyrir Voru allir hér? Laugar í 100 ár
Julius Krebs Damsbo fyrir Ástina sem eftir er
Kristján Loðmfjörð fyrir Eldana

Kvikmyndataka ársins fyrir kvikmynd

Eli Arenson fyrir The Damned
Hlynur Pálmason fyrir Ástina sem eftir er
Ollie Downey fyrir Eldana

Leikari ársins í aðalhlutverki í kvikmynd

Björn Hlynur Haraldsson fyrir Fjallið
Joe Cole fyrir The Damned
Sverrir Guðnason fyrir Ástina sem eftir er

Leikari ársins í aukahlutverki í kvikmynd

Anders Mossling fyrir Ástina sem eftir er
Ingvar E. Sigurðsson fyrir Ástina sem eftir er
Jóhann G. Jóhannsson fyrir Eldana

Leikkona ársins í aðalhlutverki í kvikmynd

Odessa Young fyrir The Damned
Saga Garðarsdóttir fyrir Ástina sem eftir er
Vigdís Hrefna Pálsdóttir fyrir Eldana

Leikkona ársins í aukahlutverki í kvikmynd

Ída Mekkín Hlynsdóttir fyrir Ástina sem eftir er
María Heba Þorkelsdóttir fyrir Eldana

Leikmynd ársins í kvikmynd

Frosti Friðriksson fyrir The Damned
Heimir Sverrisson fyrir Eldana
Frosti Friðriksson fyrir Ástina sem eftir er

Leikstjóri ársins fyrir kvikmynd

Hlynur Pálmason fyrir Ástina sem eftir er
Yrsa Roca Fannberg fyrir Jörðina undir fótum okkar
Þórður Pálsson fyrir The Damned

Tónlist ársins í kvikmynd

Harry Hunt fyrir Ástina sem eftir er
Helgi Svavar Helgason fyrir Fjallið
Herdís Stefánsdóttir fyrir Eldana

Leikari ársins í aðalhlutverki í sjónvarpi

James Norton fyrir King and Conqueror
Jón Gnarr fyrir Felix & Klöru
Nikolaj Coster-Waldau fyrir King and Conqueror

Leikari ársins í aukahlutverki í sjónvarpi

Eddie Marsan fyrir King and Conqueror
Ivo Canelas fyrir Heimaey
Steinþór Hróar Steinþórsson fyrir Brján

Leikkona ársins í aðalhlutverki í sjónvarpi

Catarina Rebelo fyrir Heimaey
Elín Hall fyrir Vigdísi
Emily Beecham fyrir King and Conqueror

Leikkona ársins í aukahlutverki í sjónvarpi

Anna Svava Knútsdóttir fyrir Heimaey
Juliet Stevenson fyrir King and Conqueror
Lára Jóhanna Jónsdóttir fyrir Reykjavík Fusion

Brellur ársins í sjónvarpi

Haukur Karlsson fyrir Reykjavík Fusion
Pétur Karlsson fyrir Felix & Klöru

Búningar ársins í sjónvarpi

Helga I. Stefánsdóttir fyrir Vigdísi
Helga Rós V. Hannam fyrir Felix & Klöru
Margrét Einarsdóttir fyrir King and Conqueror

Gervi ársins í sjónvarpi

Ásta Hafþórsdóttir, Thomas Foldberg og Kristín Júlla Kristjánsdóttir fyrir Felix & Klöru
Josephine Hoy fyrir Vigdísi
Ásta Hafþórsdóttir fyrir King and Conqueror

Handrit ársins í sjónvarpi

Ágústa M Ólafsdóttir og Björg Magnúsdóttir fyrir Vigdísi
Ragnar Bragason og Jón Gnarr fyrir Felix & Klöru
Óttar Martin Norðfjörð, Snorri Þórisson og Björg Magnúsdóttir fyrir Reykjavík 112

Hljóð ársins í sjónvarpi

Björn Viktorsson fyrir Felix & Klöru
Gunnar Árnason fyrir Vigdísi
Kjartan Kjartansson og Huldar Freyr Arnarson fyrir King and Conqueror

Klipping ársins í sjónvarpi

Logi Ingimarsson og Gunnar B Guðbjörnsson fyrir Reykjavík 112
Úlfur Teitur Traustason fyrir Reykjavík Fusion
Valdís Óskarsdóttir fyrir Felix & Klöru

Kvikmyndataka ársins í sjónvarpi

Bergsteinn Björgúlfsson fyrir King and Conqueror
Eli Arenson fyrir Vigdísi
Óttar Guðnason fyrir Reykjavík Fusion

Leikmynd ársins í sjónvarpi

Guðni Rúnar Gunnarsson fyrir Reykjavík Fusion
Heimir Sverrisson fyrir Vigdísi
Hulda Helgadóttir fyrir Felix & Klöru

Leikstjóri ársins í sjónvarpi

Baltasar Kormákur, Balint Szentgyorgyi, Nikolaj Coster-Waldau og Erik Leijonborg fyrir King and Conqueror
Ragnar Bragason fyrir Felix & Klöru
Tinna Hrafnsdóttir og Björn Hlynur Haraldsson fyrir Vigdísi