Haukakonur komnar í 1-0 yfir eftir góðan endakafla

Haukar unnu þriggja marka sigur á KA/Þór, 27-24, á Ásvöllum í kvöld.

Embla Steindórsdóttir átti stórleik með Haukum, skoraði níu mörk og gaf sjö stoðsendingar. Inga Dís Jóhannsdóttir var með sjö mörk og Sonja Lind Sigsteinsdóttir skoraði fimm mörk.

Susanne Denise Pettersen var markahæst hjá KA/Þór með átta mörk en Lydía Gunnþórsdóttir skoraði sex.

Norðankonur voru tveimur mörkum yfir í hálfleik, 13-11, en í stöðunni 14-16 yfir KA/Þór náðu heimakonur góðum 4-1 kafla og breyttu stöðunni í 18-17.

Haukaliðið náði mest fjögurra marka forystu á lokakaflanum og landaði mikilvægum sigri.

Næsti leikur fer fram í KA-húsinu á Akureyri 1. apríl næstkomandi. Það lið sem fyrr vinnur tvo leiki kemst í undanúrslitin.