Sjáðu tvennuna hjá Ekitike, endur­komu Chelsea og öll mörkin úr enska í gær

Hugo Ekitike skoraði tvívegis á tveimur mínútum þegar Liverpool sigraði Newcastle United, 4-1, á Anfield. Anthony Gordon kom Newcastle yfir en Ekitike skoraði tvö mörk og Florian Wirtz og Ibrahima Konaté eitt hvor og Liverpool landaði sigri eftir fimm deildarleiki í röð án þess að vinna.

Chelsea var 0-2 undir í hálfleik gegn West Ham United. Jarrod Bowen og Crysencio Summerville skoruðu mörk Hamranna. Liam Rosenior, knattspyrnustjóri Chelsea, gerði þrefalda skiptingu í hálfleik og hún gaf góða raun.

Tveir af varamönnunum, Joao Pedro og Marc Cucurella, jöfnuðu fyrir Chelsea og Enzo Fernández skoraði svo sigurmark liðsins í uppbótartíma, 3-2.

Arsenal náði sjö stiga forskoti með því að vinna 0-4 útisigur á Leeds United. Martín Zubimendi, Karl Darlow (sjálfsmark), Viktor Gyökeres og Gabriel Jesus mörk Arsenal.

Beto tryggði Everton stig gegn Brighton á útivelli þegar hann jafnaði í 1-1 á sjöundu mínútu í uppbótartíma. Pascal Gross hafði komið Brighton yfir á 73. mínútu.

Þá vann Bournemouth 0-2 sigur á botnliði Wolves. Eli Junior Kroupi og Alex Scott skoruðu mörk Bournemouth sem hefur unnið þrjá af síðustu fjórum leikjum sínum.

Öll mörkin úr ensku úrvalsdeildinni í gær má sjá hér fyrir ofan.