Sjáðu myndirnar: Ís­land á eitt af fjórum bestu landsliðum Evrópu

Íslenska liðið fékk sjö stig í milliriðlinum sem færði strákunum annað sætið og þar með sæti í undanúrslitum. Ísland fékk jafnmörg stig og Svíþjóð en átta marka sigur í innbyrðis leik þjóðanna kom íslenska liðinu áfram.

Þetta er aðeins í þriðja sinn í sögunni sem Ísland spilar um verðlaun á Evrópumóti karla í handbolta.

Íslenska liðið hefur unnið fimm af sjö leikjum sínum á mótinu og aðeins tapað einu sinni.

Vilhelm Gunnarsson, ljósmyndari Vísis, var á leiknum í Malmö og náði þessum flottu myndum hér fyrir neðan.