Atvinnulíf

Breytingar í vinnunni: Hvað þýðir þetta fyrir mig?

Rakel Sveinsdóttir skrifar
Það eru eðlileg og mannleg viðbrögð að fólk byrji á því að spyrja: Hvaða áhrif hefur þetta á mig? þegar breytingar eru tilkynntar í vinnunni. Eins skiptir máli að gefa svigrúm til að jafna sig á breytingum. Sem tekur sumt fólk lengri tíma en annað og það er allt í lagi.
Það eru eðlileg og mannleg viðbrögð að fólk byrji á því að spyrja: Hvaða áhrif hefur þetta á mig? þegar breytingar eru tilkynntar í vinnunni. Eins skiptir máli að gefa svigrúm til að jafna sig á breytingum. Sem tekur sumt fólk lengri tíma en annað og það er allt í lagi. Vísir/Getty

Það eru eðlileg og mannleg viðbrögð hjá okkur að bregða svolítið þegar tilkynnt er um enn einar breytingarnar í vinnunni. Til dæmis að einhver sé að hætta eða byrja, að nú eigi að færa til þennan eða hinn eða færa til verkefni eða ábyrgð.

Í flestum tilfellum eru fyrstu viðbrögðin: Hvað þýðir þetta fyrir mig?

Næst kemur spurningin: Hvernig mun þetta þá líta út eða gera sig eftir breytingar?

Því óljósari sem svörin eru, því erfiðari verða breytingarnar.

Því já, breytingar eru almennt erfiðar fyrir okkur og oft jafnvel sársaukafullar. 

Harvard Business Review tekur á þessu í greininni   Change Is Hard. Here‘s How to Make It Less Painful. Þar sem stjórnendum eru gefin ýmis góð ráð.

Eins og til dæmis:

Að sýna því skilning að fólki bregði við breytingar. 

Að hjálpa fólki að líta ekki of neikvæðum augum á breytingarnar. Til dæmis með því að skýra út hvers vegna þær eru jafnvel eðlilegar, skiljanlegar, einfaldar eða gefandi.

Lykilatriði er að ræða um það sem breytist ekki í kjölfar breytinganna. Þannig að starfsfólk eigi auðveldara með að einbeita sér áfram að því sem skiptir mestu máli, frekar en að hugurinn leiti í óvissu eða vangaveltur.

Þá er það sagt mælast vel fyrir að starfsfólk taki þátt í að móta eitthvað eða ákveða í kjölfar breytinga. Til dæmis hverjir sjá um hvað eða hvernig, eftir að liðsmaður hættir. 

Enn eitt lykilatriðið er að starfsfólk fái tækifæri til að spyrja spurninga, tjá áhyggjur sínar eða kalla eftir aðstoð. Og í þessu skiptir mestu að stjórnendur séu góðir hlustendur.

Eins að leyfa smá tíma að líða. Því við eigum misauðvelt/erfitt með að takast á við eða venjast breytingum. Sem er í góðu lagi. Enda enginn sem upplifir breytingar nákvæmlega eins og því eðlilegt að okkur líði alls konar og ólíkt.

Góðu ráðin Vinnustaðurinn Stjórnun

Tengdar fréttir

Hrósæfingar fyrir vinnustaði, gryfjur og góð ráð

„Jú, það er kynslóðamunur á fólki þegar kemur að hrósi. Því elsta kynslóðin á vinnumarkaði er kynslóð sem fékk ekki hrós heldur ólst upp við setningar eins og „Engar fréttir eru góðar fréttir,“ segir Ingrid Kuhlman þjálfari, ráðgjafi og framkvæmdastjóri Þekkingarmiðlunar.

Góð ráð: Draumastarfið á draumavinnustaðnum

Að vinna á draumavinnustaðnum er geggjuð upplifun. Að hlakka til hvers dags til að fara að vinna og upplifa daginn sem ánægjuna eina: Svo gaman að vinna, svo frábær vinnustaður.

Þrjú snilldarráð fyrir góð samskipti

Góð samskipti eru alltaf lykilatriði. Hvort heldur sem er í leik eða starfi. Við viljum öll standa okkur sem best í góðum samskiptum en eigum það mögulega til að gleyma okkur. 

Starfsframinn: Góð ráð fyrir atvinnuviðtalið

Inga Steinunn Arnardóttir ráðgjafi hjá Hagvangi fer hér yfir nokkur góð ráð fyrir fólk sem er að fara í atvinnuviðtal. Hún ráðleggur fólki að fara úr yfirhöfninni, þiggja vatnsglasið, vera íhaldssamt í klæðnaði, jákvætt og vel undirbúið.

Líkamstjáning á fundum og nokkur góð ráð

Það skiptir ekki máli hvernig samskiptin okkar fara fram, þegar að við hittum fólk viljum við koma vel fyrir. Hvort sem við erum á fundum, fjarfundum eða bara í almennu spjalli eða viðtölum við viðskiptavini eða samstarfsfólk, skiptir líkamsbeitingin okkar máli.



Mest lesið


Fleiri fréttir

Sjá meira


×

Mest lesið