Arnór og Stiven mættust í Íslendingaslag

Stiven skoraði aðeins eitt mark úr þremur skotum í sigri portúgalska liðsins. Arnór skoraði fjögur mörk og gaf tvær stoðsendingar fyrir heimamenn í Svíþjóð. Ólafur Andrés Guðmundsson er einnig leikmaður Karlskrona en kom ekki við sögu í kvöld. 

Karlskrona er enn án stiga þegar þrjár umferðir hafa verið spilaðar en Benfica fór með sigrinum upp í annað sæti E-riðils, á eftir toppliði Melsungen.

Íslendingar voru í eldlínunni annars staðar í Evrópudeildinni.

Birgir Jónsson skoraði tvö mörk úr þremur skotum fyrir sænska liðið Savehof í 27-25 tapi gegn þýska liðinu Burgdorf. Savehof hefur ekki enn unnið leik í keppninni en gerði jafntefli í fyrstu tveimur umferðunum.

Óðinn Þór Ríkharðsson skorað fjögur mörk úr fjórum skotum fyrir svissneska liðið Kadetten Schaffhausen í 30-29 sigri á útivelli gegn króatíska liðinu Nexe. Kadettarnir eru á toppnum í H-riðli með tvo sigra eftir þrjár umferðir.