Fékk faðm­lag frá konu Diogo Jota í miðju mara­þoni

Bruno Duarte var náinn vinur Diogo heitins Jota en þeir spiluðu saman í yngri flokkum á sínum tíma.

Duarte tók þátt í maraþonhlaupinu í Porto og hljóp í Liverpool-treyju Diogo Jota númer tuttugu.

Þar með er tengingin við Jota ekki upptalin. Rute Cardoso, ekkja Jota, var mætt til að hvetja Duarte til dáða.

Það náðist síðan myndband af því þegar Duarte hleypur til ekkju Jota og faðmar hana í miðju hlaupi.

Svo sannarlega tilfinningaþrungin stund fyrir alla sem hlut eiga að máli. Það má sjá myndbandið með því að fletta hér fyrir neðan.