X-kynslóðin: Oft gleymd en ó­missandi

Er líka sá hópur sem er sterkur sem stjórnendahópur og/eða hópur fólks sem er líklegur til að taka við keflinu þegar Baby Boomers, eða uppgangskynslóðin svokalla ( fædd 1946-1964) lætur það af hendi.

Margt einkennir X kynslóðina sérstaklega og gerir hana eiginlega ómissandi.

Til dæmis er þetta kynslóðin sem hefur upplifað mjög mikla umbreytingu: Tæknin var allt önnur þegar þessi hópur ólst upp.

Í grein í Forbes er líka talað um að þetta sé sú kynslóð sem hefur verið hvað mest leiðandi í stefnumótun og innleiðingu nýrra stefnu á vinnustöðum. Þetta er líka hópurinn sem leiddi þá hugsun að vinnumarkaðurinn þyrfti að finna betra jafnvægi á milli einkalífs og vinnu.

Það eru samt líka ýmsar áhyggjur sem þessi hópur hefur. Áhyggjur sem fólk upplifir jafnvel sem ógn.

Til dæmis af fjárhagslegu öryggi sínu eftir starfslok. Eða af samkeppninni sem nú er að skapast á vinnumarkaði þar sem gervigreindin og sjálfvirknivæðingin er að þróast svo svakalega hratt.

X-kynslóðin er líka að glíma við alls kyns erfiðleika eins og mikla streitu eða jafnvel kulnun.

Þá upplifa sumir að það sé svolítið verið að ganga fram hjá þeim í leiðtogastörf. Frá Baby boomers er einfaldlega hoppað niður í yngra fólk og beint í Y-kynslóðina, eða aldamótakynslóðina svokölluðu. Sem er fædd tímabilið 1980-1994.

Í raun má lesa úr ofangreindu, hver góðu ráðin eru þá fyrir X-kynslóðina. Því lið fyrir lið gætu þau til dæmis litið svona út:

Settu þér markmið um fjárhagsáætlun og sparnað fyrir efri árin.

Haltu áfram og vertu vel vakandi yfir því að þróa þig vel í notkun á nýrri tækni, sérstaklega gervigreindinni.

Vertu vakandi yfir sveigjanleika í starfi, jafnvægi einkalífs og vinnu. Ræktaðu vel sjálfið þitt, hlúðu að þér og þínum nánustu því hvoru tveggja er eitthvað sem skiptir miklu máli með tilliti til streitu eða að sporna við kulnunareinkennum.

Nýttu þér þá styrkleika að vera í hópi þeirra sem getur brúað bilið á milli þeirra sem eldri og yngri eru. Nýttu þér þá styrkleika sem X kynslóðin hefur umfram aðra kynslóðahópa. Og mundu hversu margiröflugir frumkvöðlar tilheyra þessum hópi. Sem dæmi má nefna Bill Gates, Jeff Bezos eða Elon Musk.