Að leysa hratt og vel úr málum í stað þess að pirrast

Já, pirrumst einfaldlega.

Stundum samt yfir einhverju smávægilegu. Til dæmis tölvupósti sem okkur finnst hálf dónalegur. Eða einhver skoðanaskipti eða tal á fundi sem fór alveg með okkur.

Djísus, hugsum við þá!

En stundum líka yfir einhverju sem réttilega þarf að leysa úr. Því oft geta mál undið upp á sig ef það er ekki strax reynt að skera á einhverja hnúta.

Eitt vinsælasta efni Harvard Business Review eru góð ráð fyrir alls konar í vinnunni. Þar á meðal að ná að leysa úr ágreining. Enda er hinn meinti ágreiningur oft ekki einu sinni stormur í vatnsglasi, heldur frekar eitthvað sem fyrir einhverra hluta sakir er að pirra okkur í dag.

En kíkjum á góðu ráðin. Sem til viðbótar við að anda vel ofan í maga eru eftirfarandi:

#1: Að setja sig í spor hins aðilans

Það sem er gott fyrir okkur að gera er að reyna að sjá hlutina út frá sjónarhorni hins aðilans; Þessum sem er ósammála okkur eða sendi okkur einhvern tölvupóst sem okkur þykir miður eða sýndi einhverja hegðun sem við tókum nærri okkur. Því um leið og við gerum það, virðist hugurinn strax fara í að leita lausna þar sem útgangspunkturinn er: Samvinna frekar en sundrung eða samskiptaleysi.

#2: Hvað er í raun og veru málið?

Þetta er frábær spurning. Því oft getum við stuðast út af einhverju eða mistúlkað, oftúlkað eða ofhugsað eitthvað sem er í raun ekkert persónulegt og snýst ekkert um okkur, heldur eitthvað allt allt annað. Að ná áttum og sjá betur um hvað málið snýst í raun, gerir okkur betri í því að ákveða skynsamlegri næstu skref.

#3: Markmiðið

Loks er það að átta okkur á því hvert markmiðið okkar er. Því ef við viljum leysa úr einhverjum málum getur það ekki verði ,,af því bara,“ einhver hlýtur tilgangurinn að vera. Viljum við ná meiri árangri í einhverju vinnutengdu? Eða snýst málið um að viðhalda góðu andrúmslofti í vinnunni? Að vera með skýrt markmið er nauðsynlegt til að halda einbeitingunni og fara ekki óvart að vaða úr einu í annað eða jafnvel að gera hlutina verri en áður.

#4: Niðurstaðan

Stundum leiða fyrstu fjögur atriðin okkur að þeirri niðurstöðu að það er langbest fyrir okkur að gera ekki neitt. Að mögulega voru þessar hugsanir okkar einfaldlega óþarfar, við að gera úlfalda úr mýflugu, eitthvað illa fyrirkölluð eða viðkvæm í dag.

En stundum leiða fyrstu fjögur atriðin okkur að þeirri niðurstöðu að best sé að leysa úr málunum hratt og vel og fagmannlega, þannig að okkur líði vel á eftir, við séum stolt af okkur sjálfum og örugg um að okkur tókst að leysa úr málum þannig að allir geti sátt við unað. Nú er bara að taka ákvörðun um næstu skref í takt við þessa niðurstöðu.