Strákarnir hófu HM á tapi gegn Rúmenum

Riðill Íslands er spilaður í Katowice í Póllandi, á sama stað og karlalandslið Íslands í körfubolta spilar á EM í haust.

Þrátt fyrir að byrja betur í leiknum við Rúmena í dag var Ísland þremur mörkum undir að loknum fyrri hálfleiknum, 15-12.

Rúmenar náðu svo mest sex marka forskoti í seinni hálfleiknum en lokatölur urðu 29-25 eftir að Elmar Erlingsson skoraði af vítalínunni þremur sekúndum fyrir leikslok.

Birkir Snær Steinsson varð markahæstur Íslands með fimm mörk en Elmar Erlingsson, Þorvaldur Örn Þorvaldsson og Össur Haraldsson skoruðu fjögur mörk hver.

Næsti leikur Íslands er við Færeyjar á morgun, aftur klukkan 9:45 að íslenskum tíma, og liðið spilar svo við Norður-Makedóníu á laugardaginn klukkan 12.

Tvö efstu lið riðilsins komast áfram í milliriðlakeppnina og spila við tvö lið úr E-riðli, þar sem Danmörk, Frakkland, Marokkó og Mexíkó spila.

U21-hópur Íslands á HM:

• Andri Fannar Elísson, Haukar
• Birkir Snær Steinsson, Haukar
• Bjarki Jóhannsson, Aalborg Håndbold
• Breki Hrafn Árnason, Fram
• Eiður Rafn Valsson, Fram
• Elmar Erlingsson, HSG Nordhorn-Lingen
• Hans Jörgen Ólafsson, Stjarnan
• Haukur Ingi Hauksson, HK
• Hinrik Hugi Heiðarsson, Haukar
• Ísak Steinsson, Drammen HK
• Ívar Bessi Viðarsson, ÍBV
• Sigurður Snær Sigurjónsson, Haukar
• Sigurður Páll Matthíasson, Víkingur
• Skarphéðinn Ívar Einarsson, Haukar
• Þorvaldur Örn Þorvaldsson, Valur
• Össur Haraldsson, Haukar

Þjálfarar og fylgdarlið hópsins:

• Einar Andri Einarsson
• Halldór Jóhann Sigfússon
• Gísli Rúnar Guðmundsson
• Kári Árnason
• Herbert Ingi Sigfússon