Beckham ó­á­nægður með hegðun leik­manna Manchester United

Þeir Alejandro Garnacho og Amad Diallo hafa báðir verið til umfjöllunar í fjölmiðlum ytra síðustu daga fyrir það að ýta stuðningsmanni frá sér og einnig að gefa þeim fingurinn.

David Beckham hefur nú stígið fram og gagnrýnt þá báða fyrir hegðun sína en Beckham er goðsögn í sögu félagsins.

„Mér finnst ekki gaman að sjá hvað er að gerast hjá félaginu,“ segir Beckham á CBS.

„Auðvitað skiptir mestu máli það sem gerist inni á vellinum, en það sem ég er að sjá frá leikmönnum liðsins utan vallar er óásættanlegt fyrir mig sem aðdáandi félagsins. Þú verður að bera virðingu fyrir merkinu sem þú spilar fyrir. Ég er að sjá leikmenn haga sér illa og þegar við vorum hjá liðinu gerðum við okkur allir grein fyrir því hvað það þýðir að spila fyrir þennan klúbb,“ segir Beckham og heldur áfram.

„Hver sem við fóru, hvort sem það var innan Evrópu eða í Asíu, þá bárum við virðingu fyrir stuðningsfólki okkar. Við bárum virðingu fyrir þeirri staðreynd að fólkið er að borga peninga til að koma og horfa á okkur, til að fá eiginhandaráritanir eða taka myndir af sér með okkur. Þú verður að bera virðingu fyrir því.“