„Frelsi til að gera allt sem þig langar til“

Frumsýna tónlistarmyndband

Tónlistarmaðurinn og fótboltakappinn Logi Tómasson eða Luigi syngur með Darra.

„Við höfum unnið saman nokkrum sinnum en aldrei gefið neitt út fyrr en nú. Samvinnan gekk mjög vel,“ segir Darri.

„Ég heyrði í Rúnari Inga Guðmundssyni sem gerði tónlistarmyndbandið frekar snemma í ferlinu á laginu af því ég vissi að ég vildi myndband við þetta. Við horfðum á gamla tónlistarmyndbandið og fengum mikinn innblástur þaðan. Þemað er ræktin og djammið, einfalt og ekki flókið.“

Hér má sjá tónlistarmyndbandið við lagið:

Blessun frá Barða 

„Ég hef alltaf verið mikill aðdáandi af laginu Meira frelsi og var heillengi með hugmyndina um að sampla hluta úr viðlaginu. Meira frelsi frasinn nær yfir svo ótrúlega mikið af hlutum þannig að innblásturinn var bara frelsi til að gera allt sem þig langar til að gera,“ segir Darri og bætir við að hann hafi í kjölfarið rætt við pródúsentinn Ingimar um að framkvæma hugmyndina.

„Hann var mjög til í þetta. Við bjuggum til demó og vorum mjög sáttir það kom út.

Daginn eftir hringdi ég síðan í Barða Jóhannsson sem samdi lagið og spurði hann hvort við mættum nota þetta brot úr Meira frelsi. Hann fýlaði demóið, gaf sína blessun á þetta og rest is history.“

Darri segist lengi hafa verið aðdáandi Mercedes Club

„Hlynur Áskelsson sem kallaði sig Ceres4 og var í hljómsveitinni var fótboltaþjálfarinn minn á þeim tíma sem Mercedes Club var að keppa í Eurovision þannig að ég stóð með mínum manni. Síðan var tónlistin og konseptið mjög gott.“

Tónlistarheimurinn á vel við Darra sem segir það besta vera að geta skemmt fólkinu.

„Ég myndi líka segja að næstum því allt við bransann sé krefjandi en ekkert af því er leiðinlegt.

Stefnan er svo bara halda áfram að gera tónlist og hafa gaman.“

Hér má hlusta á lagið á streymisveitunni Spotify.