Með sigri verði Liver­pool með aðra hönd á enska meistara­titlinum

Liver­pool er með sex stiga for­skot á Arsenal á toppi ensku úr­vals­deildarinnar og leik til góða sem liðið leikur í kvöld gegn Ever­ton á Goodi­son Park en um er að ræða síðasta granna­slag liðanna á þeim velli þar sem að Ever­ton er við það að færa sig yfir á nýjan og glæsi­legan leik­vang.

Beri Liver­pool sigur úr býtum í kvöld þýðir það að liðið verður með níu stiga for­skot á toppi deildarinnar, Carrag­her segir að með sigri verði Liver­pool komið með aðra höndina á Eng­lands­meistara­titilinn.

„Níu stiga for­ysta og fjórtán leikir eftir væri mikið for­skot miðað við spila­mennsku Liver­pool á tíma­bilinu. Ef þeir vina mun það sál­fræði­lega veita leik­mönnum liðsins mikinn slag­kraft og á sama tíma skaða Arsenal. Ég er ekki viss um að margir hjá Arsenal myndu þá trúa því að þeir gætu komið til baka úr því.“

Liver­pool er á sínu fyrsta tíma­bili undir stjórn Hollendingsins Arne Slot og það gengur vel. Liðið féll þó nokkuð óvænt úr leik gegn B-deildar liði Plymouth Ar­gy­le í enska bikarnum um nýliðna helgi en er komið í 16-liða úr­slit Meistara­deildarinnar, úr­slita­leik enska deildar­bikarsins og eins og fyrr sagði á toppi ensku úr­vals­deildarinnar með þægi­legt for­skot sem gæti orðið enn betra í kvöld.