Haf­steinn Óli utan hóps hjá Græn­höfða­eyjum

Grænhöfðaeyjar hafa tilkynnt 16 manna hóp fyrir mótið og þar var ekki nafn Hafsteins Óla sem spilar með Gróttu í Olís-deildinni.

Hann verður þó væntanlega með liðinu í Króatíu enda í 20 manna hópi liðsins sem hefur verið í æfingabúðum í Portúgal og Króatíu síðustu daga. Það er því enn von um að Hafsteinn Óli taki þátt á mótinu.

Það er þó miður fyrir hann að Grænhöfðaeyjar spila fyrsta leikinn gegn Íslandi og þá verður hann að öllu óbreyttu í stúkunni.

Í 16-manna hópi Grænhöfðaeyja er þó Admilson Furtado sem spilar með Herði frá Ísafirði í Grill 66-deildinni.

Ísland og Grænhöfðaeyjar mætast á HM í Zagreb þann 16. janúar næstkomandi.