Tottenham vann leikinn, 4-3, eftir að hafa komist í 3-0. Bayindir og Forster áttu hvor um sig um sök á tveimur mörkum.
„Höfum við séð tvo markverði spila jafn illa í sama leiknum?“ spurði Jamie Carragher á Sky Sports eftir leikinn.
Bayindir fékk tækifæri í marki United í gær, í stað Andrés Onana. Kamerúninn þarf þó varla að hafa áhyggjur af samkeppninni miðað við frammistöðu Tyrkjans í gær.
Forster hefur staðið í marki Spurs síðan Guglielmo Vicario meiddist á ökkla í lok síðasta mánaðar og verður lengi frá.
Tottenham mætir Liverpool í undanúrslitum deildabikarsins.
