Ævin­týrið heldur á­fram með Discovery!

„Það hefur ýmislegt breyst frá fyrstu gerð Discovery,“ segir Karl og gengur með okkur að glæsilegum Discovery sem stendur í öndvegi sýningarsalarins með fallegt útsýni til fjalla. „Bíllinn hefur þróast í áranna rás, meðal annars út frá endurgjöf notenda. Þeir vita hvað þeir þurfa og vilja til að jeppinn þjóni bæði áhugamálunum, ævintýrunum og daglegum akstri. 

En grunnkonseptið er alltaf það sama: Rúmgóður, sjö sæta jeppi með mikla getu til að draga hjólhýsi, hestakerrur, vélsleðakerrur eða hvað sem fólk vill en um leið bjóða lúxusinn og þægindin sem framleiðandinn er þekktur fyrir.“

Karl opnar afturdyrnar og sýnir okkur sjö sæta uppsetninguna sem ætti að vera alger draumur fyrir stórar fjölskyldur á ferðalagi um landið eða bara í bústaðinn. Einnig eru möguleikar á að sérsníða bílinn að sínum þörfum með aukahlutum og búnaði á borð við fullkomin afþreyingarkerfi.

„Eins og í öllum Land Rover bílum er það ekki bara útlitið sem skiptir máli. Við sjáum í raun ekki nema lítð brot af því sem gerir þægindin og akstursupplifunina í Discovery ólíka flestu öðru í þessum flokki. Loftpúðafjöðrunin er náttúrulega mögnuð og það finnur fólk fljótt hvað hún skiptir miklu máli þegar farið er út fyrir malbikið eða ekið á ójöfnu undirlagi. Vélin er kraftmikil og hljóðlát, lága drifið kemur þér í gegnum ótrúlegustu aðstæður og það er rafmagnslæsing á afturdrifinu. 

Og talandi um erfiðar aðstæður, vaðdýptin er gefin upp 90 sentimetrar sem klárar nú flest það sem mætir venjulegu fólki sem er ekki hreinlega með björgunarsveitadrauma,“ segir Karl og hlær. „Og þótt þessi sé kraftmikill er gaman að segja frá því að á næstu misserum eigum við von á 350 hestafla útgáfu til landsins. Og þá verður sko gaman,“ bætir hann við.

Karl er greinilega hrifinn af Discovery og því nærtækast að spyrja hvort hann keyri svoleiðis sjálfur? „Ég segi stundum að ég sé í besta starfi í heimi, hef tækifæri til að prófa marga af albestu bílum sem koma hingað til lands. Og ég elska að keyra Discovery-inn. Fyrir mér sameinar hann svo margt af því besta frá Land Rover, söguna, tæknina og þennan yfirlætislausa lúxus og fjölhæfni við ólíkar og krefjandi aðstæður. Þetta er bæði ráðherrabíll og ævintýrabíll fjölskyldunnar í einum og sama pakkanum.“

Við setjumst nú inn í bílinn og Karl sýnir okkur það helsta sem stjórnklefinn og farþegarýmið hefur upp á að bjóða. Mælaborðið er stafrænt og 11,4 tommu upplýsingaskjárinn er skarpur og upplausnin glæsileg. Karl tekur fram símann og sýnir hvernig InControl appið virkar fyrir snjalleiðsögn, afþreyingu og öryggisstillingar.

„Það hafa orðið gríðarlegar framfarir í öryggisbúnaði síðustu árin. Skynjarakerfi og akstursaðstoð Discovery er mjög fullkomin og hægt að stilla eftir þörfum og aðstæðum. 360 gráðu myndavél eins og þessi var bara til í Bond-myndum þegar fyrsti Discovery kom á göturnar, núna er eins og maður sé með fullkominn dróna fyrir ofan bílinn öllum stundum. Og kippir sér ekkert upp við það.“

Og nú var komið að því að fara í bíltúr á Discovery. Við ókum upp að Bláfjallaafleggjara og alla leið að skíðasvæðinu þar sem snjóvélarnar voru á fullu við að framleiða undirlag í brekkurnar. Næsta mál á dagskrá: Skíðabogi á toppinn. Og vélsleðakerra aftan í. Veturinn er mættur með öllum sínum ævintýrum upp um snjóhvít fjöll og firnindi.

Hér getur þú skoðað Discovery og fengið nánari upplýsingar um gerðir og búnað.