Handbolti

Orri og fé­lagar ó­stöðvandi á heima­velli

Ingvi Þór Sæmundsson skrifar
Orri Freyr Þorkelsson er í stóru hlutverki hjá Sporting.
Orri Freyr Þorkelsson er í stóru hlutverki hjá Sporting. getty/Gualter Fatia

Gott gengi Sporting í Meistaradeild Evrópu í handbolta hélt áfram þegar liðið rúllaði yfir Dinamo Búkarest, 34-25, í kvöld. Sporting hefur unnið alla fimm heimaleiki sína í Meistaradeildinni.

Orri Freyr Þorkelsson skoraði fjögur mörk úr fimm skotum fyrir Sporting sem er í 2. sæti A-riðils með þrettán stig, þremur stigum minna en topplið Veszprém.

Bræðurnir Francisco og Martim Costa skoruðu átta mörk hvor fyrir Sporting sem hefur stimplað sig inn sem eitt af bestu liðum Evrópu í vetur. André Kristensen átti afar góðan leik í marki Sporting og varði sextán skot (41 prósent).

Haukur Þrastarson skoraði þrjú mörk fyrir Dinamo Búkarest en þurfti til þess átta skot. Portúgalska skyttan André Gomes var markahæstur hjá rúmenska liðinu með sex mörk.

Dinamo Búkarest er í 5. sæti A-riðils með tíu stig.

Meistaradeild Evrópu í handbolta karla

Mest lesið


Fleiri fréttir

Sjá meira


×

Mest lesið