Enski boltinn

Meiddur Ödegaard gifti sig í leyni

Sindri Sverrisson skrifar
Helene Spilling og Martin Ödegaard á galahátíð í Lundúnum í síðustu viku, ásamt liðsfélögum Ödegaards og mökum. Eins og sjá má var Spilling með fallegan hring á baugfingri hægri handar, eins og venja er með giftingarhringa í Noregi.
Helene Spilling og Martin Ödegaard á galahátíð í Lundúnum í síðustu viku, ásamt liðsfélögum Ödegaards og mökum. Eins og sjá má var Spilling með fallegan hring á baugfingri hægri handar, eins og venja er með giftingarhringa í Noregi. Getty/Max Cisotti

Norski landsliðsfyrirliðinn Martin Ödegaard, sem einnig er fyrirliði Arsenal, er kominn í hnapphelduna. Hann giftist hinni 28 ára gömlu danskonu Helene Spilling sem nú ber einnig Ödegaard-eftirnafnið.

Það var norski miðillinn VG sem greindi frá þessu í dag en hjónin virðast hafa gift sig í leyni, ef svo má segja. Frétt VG byggir á því að nú hafi hjónin breytt skráningu sinni í norsku þjóðskránni, og tók breytingin gildi í dag.

Greint var frá því í fyrrasumar að hjónin væru komin í samband og þau eiga nú von á sínu fyrsta barni, eins og þau greindu frá í ágúst síðastliðnum.

Spilling hefur unnið til fjölda titla í samkvæmisdansi og vakti mikla athygli í Noregi þegar hún kom fram í þáttunum „Skal vi danse“.

Ödegaard er eins og fyrr segir fyrirliði Arsenal og norska landsliðsins í fótbolta en hann hefur ekki getað spilað síðan snemma í september, eftir að hann meiddist í ökkla í landsliðsverkefni. Í fjarveru hans hefur Arsenal átt erfitt uppdráttar og er nú í 5. sæti ensku úrvalsdeildarinnar, eftir samtals eitt stig úr síðustu þremur leikjum, en búist er við því að Ödegaard snúi brátt aftur til leiks.

Enski boltinn

Mest lesið


Fleiri fréttir

Sjá meira


×

Mest lesið