Tottenham sló Manchester City út úr keppninni í gærkvöldi en fær að launum að glíma við hitt Manchester liðið í næstu umferð. Tottenham tekur á móti Manchester United í átta liða úrslitunum.
Liverpool mun heimsækja Southampton, Arsenal tekur á móti Crystal Palace og Newcastle fær heimaleik á móti Brentford.
Þetta er í fyrsta sinn í fjórtán ár þar sem öll átta liðin spila í ensku úrvalsdeildinni því ekkert lið úr neðri deildunum er eftir í keppninni.
Átta liða úrslitin fara fram í kringum 16. desember næstkomandi.
- Leikir í átta liða úrslitum enska deildabikarsins:
- Tottenham - Manchester United
- Arsenal - Crystal Palace
- Newcastle - Brentford
- Southampton - Liverpool
