Bestu hrekkjavökubúningar stjarnanna

Dóra Júlía Agnarsdóttir skrifar 22. október 2024 11:02

Lífið á Vísi fór yfir nokkra eftirminnilega hrekkjavökubúninga fræga fólksins. SAMSETT

Hrekkjavökuhátíðin hefur fest sig í sessi hérlendis á undanförnum árum og bætist stöðugt í hóp þeirra sem kjósa að klæða sig í búning 31. október. Sumir vilja fara alla leið í herlegheitunum og ákvað Lífið á Vísi því að veita lesendum innblástur þegar það kemur að hrekkjavökubúningum.

Hér má sjá lista yfir frumlega og skemmtilega hrekkjavökubúninga sem súperstjörnur heimsins hafa skartað í gegnum tíðina:

Heidi Klum sem ormur og Fiona úr Shrek

Þýska ofurfyrirsætan Heidi Klum fer undantekningalaust alla leið á hrekkjavökunni og ber höfuð og herðar yfir aðra hrekkjavökuunnendur. Þá er maðurinn hennar Tom Kaulitz óhræddur að klæða sig upp í þemað með henni. Heidi heldur sömuleiðis söguleg hrekkjavökuteiti og Rúrik Gíslason var meðal gesta hjá henni í fyrra.

Það er erfitt að velja bestu búninga Heidi Klum en hér eru nokkrir sem standa upp úr:

Heidi Klum fór sem ormur á hrekkjavökuna 2022. Mikill metnaður lagður í þennan frumlega búning en líklega ekki hentugur fyrir fólk með innilokunarkennd.Rachpoot/Bauer-Griffin/GC Images

Heidi Klum og Tom Kaulitz mættu sem Fiona og Shrek 2018. Mjög skemmtileg útfærsla á þessum sígildu karakterum.Michael Loccisano/Getty Images

Heidi Klum frekar óhugnanleg á hrekkjavöku 2019.Nancy Rivera/Bauer-Griffin/GC Images

Zoe Kravitz og Channing Tatum sem Rosemary og barnið

Sjóðheita stjörnuparið Zoe Kravitz og Channing Tatum klæddu sig upp sem Rosemary og barnið úr kvikmyndinni Rosemary's Baby í leikstjórn Roman Polanski.

Channing Tatum og Zoë Kravitz fóru sem Rosemary og barnið úr Rosemary's baby. Alltaf gaman fyrir pör að klæða sig upp sem tvíeyki.MEGA/GC Images

Paris Hilton sem Britney Spears

Goðsögnin Paris Hilton klæddi sig upp sem Britney Spears úr goðsagnakenndu tónlistarmyndbandi við lagið Toxic. Ofurskvísulegur flugfreyjubúningur sem aðdáendur söngkonunnar gleyma seint.

Paris Hilton glæsileg í fyrra sem Britney Spears úr Toxic.Alberto E. Rodriguez/WireImage

Hér má sjá sögulega tónlistarmyndbandið við Toxic:

Kendall Jenner sem gúrka

Raunveruleikastjarnan og fyrirsætan Kendall Jenner klæddi sig upp sem gúrka árið 2022 og gerði í leiðinni grín að því hvað hún átti erfitt með að skera gúrku í þætti af Kardashians. Þessi búningur á vel við í ár þar sem gúrkur hafa verið gríðarlega vinsælar og uppseldar í fjölda matvöruverslanna.

Kendall Jenner flott sem gúrka og gúrkan á vel við í ár.Instagram @kendalljenner

Lizzo sem Yoda

Tónlistarkonan Lizzo lagði mikið upp úr hrekkjavökubúningnum 2021 og tróð upp sem Yoda úr Star Wars myndunum.

Lizzo fór alla leið sem Yoda á hrekkjavöku giggi!Michael Kovac/Getty Images

Hún vakti líka mikla athygli sem Marge Simpson árið 2022.

View this post on Instagram

A post shared by Lizzo (@lizzobeeating)

Bella Hadid og The Weeknd sem Beetlejuice og Lydia

Bella Hadid og The Weeknd voru par í dágóðan tíma. Á hrekkjavökunni 2018 klæddu þau sig upp sem sögulega tvíeykið Beetlejuice og Lydia úr kvikmyndinni Beetlejuice frá árinu 1988. Framhaldsmynd Beetlejuice kom út í ár og því vel við hæfi að klæða sig upp í þessa búninga núna!

The Weeknd og model Bella Hadid flott sem Beetlejuice og Lydia í hrekkjavökuteiti hjá Heidi Klum 2018.Craig Barritt/Getty Images

Janelle Monae sem Jim Carrey í The Mask

Tónlistarkonan Janelle Monae fór alla leið í karakter Jim Carrey úr myndinni The Mask.

Janelle Monae sem The Mask í hrekkjavökuteiti Heidi Klum 2018.Robert Kamau/GC Images

Emily Ratajkowski sem Marge Simpson

Fyrirsætan og hlaðvarpsstýran Emily Ratajkowski var gul og glæsileg sem Marge Simpson í hrekkjavökuteiti árið 2015.

David Kersh sem hlébarði

Tónlistarmaðurinn David Kersh fór alla leið árið 2005 í mjög einstökum búning.

Emma Kenney sem málverk

Leikkonan Emma Kenney mætti í fyrra í einstaklega frumlegum búning sem málverk sem minnir á Picasso.

Emma Kenney í frumlegum búning.Taylor Hill/Getty Images

Kim Kardashian og North West sem Clueless tvíeykið

Súperstjarnan Kim Kardashian og dóttir hennar North West klæddu sig upp sem Cher og Dionne úr næntís skvísumyndinni Clueless á hrekkjavökunni í fyrra.

View this post on Instagram

A post shared by Kim Kardashian (@kimkardashian)

Katy Perry sem vinsælt snakk

Tónlistarkonan Katy Perry klæddi sig upp sem vinsæla snakkið Cheetos árið 2014. Það er heldur betur hægt að útfæra þetta yfir á uppáhalds snakkið sitt. Skemmtilegt!