Until Dawn: Flott endurgerð á hryllilegum leik Samúel Karl Ólason skrifar 15. október 2024 09:07 Ballistic Moon Hryllingsleikurinn Until Dawn, frá 2015, hefur verið endurgerður. Þó hann sé níu ára gamall hefur upprunalegi leikurinn verið vinsæll meðal hryllingsleikja þar sem hann gefur spilurum möguleika á að hafa mikil áhrif á söguna. Endurgerðin gerir þó mikið fyrir útlit leiksins og hann lítur merkilega vel út. Upprunalegi leikurinn, og endurgerðin auðvitað, inniheldur leikarar eins og Hayden Panettiere og Rami Malek en sagan fjallar um hóp ungra „vina“, sem virðist flestir vera harðkjarna drullusokkar og þeim virðist flestum vera illa við alla hina. Leikurinn, sem hefur lengi verið talinn meðal betri hryllingsleikja, hefst á því að þau eru saman í nokkurskonar sumarbústað, upp á einhverju heimsins drungalegasta fjalli sem kallast Blackwood Pines, og verða þau fyrir ákveðnum skakkaföllum. Þau mæta svo aftur ári síðar og þurfa að takast á við fortíðina, og heimsku hvors annars. Until Dawn er leikur þar sem ákvarðanir spilara skipta öllu máli um það hver lifir nóttina af og hver ekki. Hver aðgerð og hver ummæli sem spilarar velja skiptir máli. Það býður upp á mikla möguleika varðandi endurspilun þar sem hver spilun getur verið töluvert frábrugðin hinum. Ballistic Moon Hryllingurinn er að mörgu leyti hefðbundinn og inniheldur leikurinn margar tilvísanir í hryllingsmyndir. Í rauninni má lýsa Until Dawn sem klisjukenndri stafrænni hryllingsmynd sem spilarar fá að upplifa og stýra að miklu leyti. Það tekur um átta tíma að spila sig í gegnum leikinn. Meðal þess sem hefur verið breytt á milli leikja er útlitið. Það er mun betra en í upprunalega leiknum en endurgerðin lítur mjög vel út. Starfsmenn fyrirtækisins Ballistic Moon endurgerðu leikinn, sem keyrir á Unreal 5 grafíkvélinni. Þá er búið að breyta sjónarhorni leiksins, oftar en ekki, sem er jákvæð breyting. Myndavélin er nú oftast yfir öxl persónunnar sem maður er að spila í stað þess að vera á föstum stað í tilteknum herbergjum eða svæðum. Sögunni hefur verið breytt lítillega að því leyti að byrjunin hefur verið útvíkkuð og einnig hefur nýjum enda verið bætt við, svo eitthvað sé nefnt. Spilarar geta einnig fundi nýja hluti í leiknum, sem varpa frekara ljósi á söguna. Það vekur þó spurningar að endurgerðin kostar mjög mikið, miðað við það að upprunalegi leikurinn er enn aðgengilegur og kostar mun minna. Fyrir fólk sem spilaði gamla leikinn get ég auðveldlega ímyndað mér að það tími ekki að kaupa uppfærsluna. Ég er þó ekki einn af þeim og það er mikill plús. Ballistic Moon Ég fyrirgef QTE, að þessu sinni Ég hef oft skrifað um það hve illa mér er við ákveðið fyrirbæri sem kallast á ensku „Quick Time Events“ eða QTE. Það er þegar spilarar þurfa að ýta á tiltekna takka á réttum tíma til að komast áfram. Ég hata þetta fyrirbæri og ef það er í boði, slekk ég hiklaust á því. Það er samt hægt að fyrirgefa það í leik eins og Until Dawn, þar sem maður þarf að nota þetta við spennuþrungin augnablik í leiknum og það hefur virkilega áhrif á spilunina. Þá er hægt að breyta stillingum leiksins svo maður hafi meiri tíma til að ýta á réttu takkana, sem er hin fínasta þróun. Samantekt-ish Það er spurning hvers virði það er að endurgera leik eins og þennan og breyta nánast eingöngu útliti hans. Spilunin ku vera sú sama og hún var í gamla daga. Það spiluðu þó ekki allir gamla leikinn og aðdáendur hryllingsleikja og kvikmynda ættu ekki að verða fyrir vonbrigðum. Until Dawn er hin fínasta upplifun sem lítur mjög vel út. Leikjavísir Leikjadómar Mest lesið Man ekki eftir öðru eins: Aldrei séð jafn marga falla í yfirlið yfir einni mynd Bíó og sjónvarp „Lífsstíllinn er að drepa okkur“ Lífið „Enginn að fara að hringja í mig að fyrra bragði“ Tónlist Ótrúleg tilviljun er Stefán brenndi fánann Lífið Framhald: „Málið er að mig langar ekki til að deyja“ Áskorun Þjóðhátíðarstemning á árshátíð Sýnar Lífið Pískur sem þróaðist í hættulegustu samsæriskenningu síðari tíma Lífið Lén skráð á laugardag ekki framboðslén Lífið Sungu bakraddir fyrir Heru og eru nú byrjuð saman Lífið Stjörnulífið: Kóngar, drottningar og stjörnur í útlöndum Lífið Fleiri fréttir Until Dawn: Flott endurgerð á hryllilegum leik GameTíví: Jökull leiðir strákana til sigurs Árlegt „Fifa“mót GameTíví GameTíví: Heldur för sinni um Night City áfram God of War Ragnarök á PC: Kratos er enn klikkaður Stiklusúpa: Allt það helsta frá kynningu Sony í gær GameTíví: Íslendingaslagur í Warzone Space Marine 2: Fyrirtaks skemmtun af gamla skólanum Ólympíukvöld hjá GameTíví GameTíví: Plortedo spilar sig gegnum Night City CCP kynnir nýjan leik í söguheimi EVE Online GameTíví: Skúrkur í skýjunum GameTíví: Stefna á þrjá sigra í Warzone Astro Bot: Astro stígur ekki feilspor í nánast fullkomnum leik Star Wars heimurinn skoðaður í GameTíví Star Wars Outlaws: Ekki eins hræðilegur og internetið segir Endurgreiða þeim fáu sem keyptu Concord GameTíví: Snúa hlekkjaðir saman úr sumarfríi Sjá meira
Upprunalegi leikurinn, og endurgerðin auðvitað, inniheldur leikarar eins og Hayden Panettiere og Rami Malek en sagan fjallar um hóp ungra „vina“, sem virðist flestir vera harðkjarna drullusokkar og þeim virðist flestum vera illa við alla hina. Leikurinn, sem hefur lengi verið talinn meðal betri hryllingsleikja, hefst á því að þau eru saman í nokkurskonar sumarbústað, upp á einhverju heimsins drungalegasta fjalli sem kallast Blackwood Pines, og verða þau fyrir ákveðnum skakkaföllum. Þau mæta svo aftur ári síðar og þurfa að takast á við fortíðina, og heimsku hvors annars. Until Dawn er leikur þar sem ákvarðanir spilara skipta öllu máli um það hver lifir nóttina af og hver ekki. Hver aðgerð og hver ummæli sem spilarar velja skiptir máli. Það býður upp á mikla möguleika varðandi endurspilun þar sem hver spilun getur verið töluvert frábrugðin hinum. Ballistic Moon Hryllingurinn er að mörgu leyti hefðbundinn og inniheldur leikurinn margar tilvísanir í hryllingsmyndir. Í rauninni má lýsa Until Dawn sem klisjukenndri stafrænni hryllingsmynd sem spilarar fá að upplifa og stýra að miklu leyti. Það tekur um átta tíma að spila sig í gegnum leikinn. Meðal þess sem hefur verið breytt á milli leikja er útlitið. Það er mun betra en í upprunalega leiknum en endurgerðin lítur mjög vel út. Starfsmenn fyrirtækisins Ballistic Moon endurgerðu leikinn, sem keyrir á Unreal 5 grafíkvélinni. Þá er búið að breyta sjónarhorni leiksins, oftar en ekki, sem er jákvæð breyting. Myndavélin er nú oftast yfir öxl persónunnar sem maður er að spila í stað þess að vera á föstum stað í tilteknum herbergjum eða svæðum. Sögunni hefur verið breytt lítillega að því leyti að byrjunin hefur verið útvíkkuð og einnig hefur nýjum enda verið bætt við, svo eitthvað sé nefnt. Spilarar geta einnig fundi nýja hluti í leiknum, sem varpa frekara ljósi á söguna. Það vekur þó spurningar að endurgerðin kostar mjög mikið, miðað við það að upprunalegi leikurinn er enn aðgengilegur og kostar mun minna. Fyrir fólk sem spilaði gamla leikinn get ég auðveldlega ímyndað mér að það tími ekki að kaupa uppfærsluna. Ég er þó ekki einn af þeim og það er mikill plús. Ballistic Moon Ég fyrirgef QTE, að þessu sinni Ég hef oft skrifað um það hve illa mér er við ákveðið fyrirbæri sem kallast á ensku „Quick Time Events“ eða QTE. Það er þegar spilarar þurfa að ýta á tiltekna takka á réttum tíma til að komast áfram. Ég hata þetta fyrirbæri og ef það er í boði, slekk ég hiklaust á því. Það er samt hægt að fyrirgefa það í leik eins og Until Dawn, þar sem maður þarf að nota þetta við spennuþrungin augnablik í leiknum og það hefur virkilega áhrif á spilunina. Þá er hægt að breyta stillingum leiksins svo maður hafi meiri tíma til að ýta á réttu takkana, sem er hin fínasta þróun. Samantekt-ish Það er spurning hvers virði það er að endurgera leik eins og þennan og breyta nánast eingöngu útliti hans. Spilunin ku vera sú sama og hún var í gamla daga. Það spiluðu þó ekki allir gamla leikinn og aðdáendur hryllingsleikja og kvikmynda ættu ekki að verða fyrir vonbrigðum. Until Dawn er hin fínasta upplifun sem lítur mjög vel út.
Leikjavísir Leikjadómar Mest lesið Man ekki eftir öðru eins: Aldrei séð jafn marga falla í yfirlið yfir einni mynd Bíó og sjónvarp „Lífsstíllinn er að drepa okkur“ Lífið „Enginn að fara að hringja í mig að fyrra bragði“ Tónlist Ótrúleg tilviljun er Stefán brenndi fánann Lífið Framhald: „Málið er að mig langar ekki til að deyja“ Áskorun Þjóðhátíðarstemning á árshátíð Sýnar Lífið Pískur sem þróaðist í hættulegustu samsæriskenningu síðari tíma Lífið Lén skráð á laugardag ekki framboðslén Lífið Sungu bakraddir fyrir Heru og eru nú byrjuð saman Lífið Stjörnulífið: Kóngar, drottningar og stjörnur í útlöndum Lífið Fleiri fréttir Until Dawn: Flott endurgerð á hryllilegum leik GameTíví: Jökull leiðir strákana til sigurs Árlegt „Fifa“mót GameTíví GameTíví: Heldur för sinni um Night City áfram God of War Ragnarök á PC: Kratos er enn klikkaður Stiklusúpa: Allt það helsta frá kynningu Sony í gær GameTíví: Íslendingaslagur í Warzone Space Marine 2: Fyrirtaks skemmtun af gamla skólanum Ólympíukvöld hjá GameTíví GameTíví: Plortedo spilar sig gegnum Night City CCP kynnir nýjan leik í söguheimi EVE Online GameTíví: Skúrkur í skýjunum GameTíví: Stefna á þrjá sigra í Warzone Astro Bot: Astro stígur ekki feilspor í nánast fullkomnum leik Star Wars heimurinn skoðaður í GameTíví Star Wars Outlaws: Ekki eins hræðilegur og internetið segir Endurgreiða þeim fáu sem keyptu Concord GameTíví: Snúa hlekkjaðir saman úr sumarfríi Sjá meira