Í fréttatilkynningu segir:
„Goðsögnin DJ Shadow kom fram á Íslandi í Gamla Bíó 20.6. Margir höfðu beðið eftir þessum degi og gleðin var ósvikin. Það voru þeir Benedikt Freyr Jónsson og Guðjón Böðvarsson sem stóðu fyrir viðburðinum fyrir hönd LP. Upphitun var í höndum Benna B-Ruff og Gísla Galdurs ásamt sjónrænni list (e. visuals) úr arkífi frá Kjartani Trauner sem vöktu mikla athygli.
Þeir voru með 40 mínútna syrpu með formföstu hip-hoppi, sömplum, lúppum og trommum með tilraunakenndu ívafi og sjónræna list Kjartans dáleiddi gesti inn í hráleika 90´s heimanna.
Margt var um manninn enda uppselt á tónleikana sem vöktu mikla lukku og hrifningu hjá Josh Davis eða DJ Shadow sem talaði að þetta hefðu verið bestu tónleikar og utanumhald sem hann hefur upplifað í langan tíma.“
Hér má sjá vel valdar myndir frá kvöldinu:

























