Jól

Jóla­stöðin komin í loftið

Viktor Örn Ásgeirsson skrifar
Þessi virðist vera komin í jólaskap. Myndin er úr safni.
Þessi virðist vera komin í jólaskap. Myndin er úr safni. Getty Images

Útvarpsstöðin LéttBylgjan er venju samkvæmt komin í nýjan búning: jólabúninginn. Eins og á hverju ár breytist útvarpsstöðin í Jólastöðina nokkrum vikum fyrir jól þar sem jólalög hljóma allan sólarhringinn.

Jólastöðin spilar einungis jólalög og hafa margir hlustenda tekið LéttBylgjunni í breyttri mynd fagnandi á hverju ári. Öðrum þykir þetta helst til snemmt.

Jólin eru þó mætt á fleiri staði en Jólastöðina. Jólageitin í Ikea er til dæmis komin upp og auglýsingar tengdar hátíðarhöldunum sjást hér og þar, jólahlaðborð og -tónleikar eru áberandi.

Þeir sem eru komnir í jólaskapið, eða vilja komast í jólaskapið, geta hlustað á Jólastöðina hér að neðan.

Jól Jólalög Tónlist Fjölmiðlar


Mest lesið




×

Mest lesið